देसी जुगाड: काळ्या पडलेल्या स्विचबोर्डला लावा पावडर आणि तेल, एका मिनिटांत चकाचक होतील!

घरातल्या स्विचबोर्डकडे कधी कधी दुर्लक्ष होतं आणि त्यामुळे मग ते खूप घाण होत जातात.

त्यांच्यावर अक्षरश: काळपट थर साचतो. हे स्विचबोर्ड कसे स्वच्छ करायचे हा प्रश्न असतोच. कारण त्यांना पाणी लागता कामा नये.

त्यामुळेच काळे पडलेले स्विचबोर्ड अगदी १ मिनिटांत स्वच्छ करण्यासाठी हा एक सोपा उपाय पाहून घ्या.

हा उपाय करण्यासाठी कापसाचा एक छोटासा बोळा घ्या आणि त्यावर खोबरेल तेल टाका. आता हा बोळा स्विचबोर्डवर घासा. त्यावर पडलेले चिकट, काळपट डाग लगेच निघून जातील.

यानंतर दुसरा एक कापसाचा बोळा घ्या आणि त्यावर तुमच्या घरातली कोणतीही टाल्कम पावडर टाका. आता तो कापसाचा बोळा स्विचबोर्डवर घासा.

यामुळे बोर्ड आणखी स्वच्छ होईल आणि त्यावरचा तेलकटपणा, चिपचिपितपणाही निघून जाईल.