DSP Chitra Kumari : कोचिंगसाठी नव्हते पैसे; वडिलांनी शिक्षणासाठी जमीन विकली, लेक २० व्या वर्षी DSP झाली

DSP Chitra Kumari : चित्रा कुमारीने अधिकारी होण्याचं मोठं स्वप्न पाहिलं होतं. परंतु महागड्या कोचिंग क्लासेसमध्ये जाण्यासाठी पैसे नव्हते.

चित्रा कुमारीने अधिकारी होण्याचं मोठं स्वप्न पाहिलं होतं. परंतु महागड्या कोचिंग क्लासेसमध्ये जाण्यासाठी पैसे नव्हते. तिने कधीही आर्थिक परिस्थितीमुळे शिक्षण घेणं सोडलं नाही. खूप कष्ट केले.

अवघ्या विसाव्या वर्षी चित्रा डेप्युटी सुपरिटेंडेंट ऑफ पोलीस (DSP) झाली आहे. परिस्थितीसमोर तिने कधीही हार मानली नाही. शिक्षण घेताना अनेक अडचणीचा सामना केला.

भारतातील सर्वात प्रतिष्ठित परीक्षांपैकी एक असलेल्या बिहार लोकसेवा आयोग (बीपीएससी) उत्तीर्ण होऊन तिने डीएसपी होण्याचं स्वप्न पूर्ण केलं. २००८ मध्ये तिचे वडील सुरेश प्रसाद यांची नोकरी गेली.

घराचा खर्च भागवणं तेव्हापासून कठीण झालं. वडील अशा परिस्थिती खचले नाहीत. त्यांनी नीट विचार केला आणि आपल्या मुलांसाठी एक मोठा आणि महत्त्वाचा निर्णय घेतला.

मुलांच्या शिक्षणासाठी ते शेतकरी झाले, त्यांनी शेती केली, नंतर जमीन विकली. त्यांनी जमीन विकल्यानंतर मिळालेले पैसे बँकेत जमा केले आणि त्यातून मिळणारं व्याज आपल्या मुलांना शिक्षण देण्यासाठी वापरलं.

बीपीएससी परीक्षा उत्तीर्ण होण्यासाठी कोचिंग क्लासेसची फी भरण्यासाठी त्यांच्याकडे पैसे नव्हते. चित्राने कोचिंगशिवाय तयारी केली आणि २० व्या वर्षी डीएसपी बनली.

बिहारमधील बक्सर येथील रहिवासी चित्रा हिने तिच्या पहिल्याच बीपीएससी प्रयत्नात कोणत्याही कोचिंगशिवाय ६७ वा रँक मिळवला. चित्रापासून आता अनेकांना प्रेरणा मिळत आहे.