शरीरात होणाऱ्या ५ बदलांकडे दुर्लक्ष करणं पडेल महागात- मधुमेह, कोलेस्टेरॉलसारखे त्रास लागतील मागे

मधुमेह, कोलेस्टेरॉल, फॅटी लिव्हर, ट्रायग्लिसराईड, हृदयविकार यासारखे कोणतेच आजार एका रात्रीतून होत नाहीत. त्यामुळे या आजारांच्या अनुशंगाने जेव्हा आपल्या शरीरात काही बदल सुरू होेतात तेव्हाच आपले शरीर आपल्याला त्याबद्दल सुचना देत असते.

म्हणूनच शरीरात होणाऱ्या काही बदलांकडे मुळीच दुर्लक्ष करता कामा नये. हे बदल नेमके कोणते असतात याविषयीची माहिती डॉक्टरांनी myexpertdoctor या इंस्टाग्राम पेजवर शेअर केली आहे.

यामध्ये डॉक्टर सांगतात की जेवल्यानंतर लगेचच खूप थकवा येणे, झोप आल्यासारखे वाटणे, आळस येणे हे चांगले लक्षण नाही. यातून तुमच्या शरीरातले इन्सुलिनचे कार्य बिघडत चालले आहे हे लक्षात येते.

वारंवार ॲसिडीटी, गॅसेस असे त्रास होत असतील तर तुमची पचनक्रिया आणि मेटाबॉलिझम या दोन्ही क्रिया बिघडल्या आहेत. याचा परिणाम लिव्हरवरही होतो.

गळ्यावर किंवा काखेत खूप काळपटपणा असेल तर ते ही मधुमेहाचं एक लक्षण असू शकतं.

जेव्हा शरीरातली साखर वेगात वाढते किंवा वेगात कमी होते तेव्हा वारंवार भूक लागते आणि सतत काहीतरी गोड खाण्याची इच्छा होत असते.

पोटाचा घेर वाढणे हे देखील बिघडलेल्या पचनक्रियेचे आणि मेटाबॉलिझमचे लक्षण आहे. याचा परिणाम लिव्हर आणि हृदयावरही होत असतो.