कुंडीतली घट्ट झालेली माती बदलायला वेळ नाही? घ्या उपाय, माती होईल भुसभुशीत- रोपंही वाढतील जोमानं

रोपांची चांगली वाढ होण्यासाठी कुंडीतली माती वेळोवेळी बदलण्याची गरज असते. जर माती वर्षातून एकदा किंवा दोनदा बदलली नाही तर ती खूप चिकट आणि जड होते.

अशा चिकट आणि जड मातीमध्ये रोपांची चांगली वाढ होत नाही. कारण मुळांना व्यवस्थित ऑक्सिजन मिळत नाही.

चिकट झालेली माती पाणी जास्त धरून ठेवत असल्याने मुळं कुजून जातात. त्यामुळे मग पुरेसं खत टाकूनही ना रोपांची चांगली वाढ होते ना त्याला फुलं येतात.

कुंडीतली माती बदलणं हे तसं थोडं वेळखाऊ काम आहे. आता हे काम करण्यासाठी लगेचच वेळ काढणं तुम्हाला शक्य होत नसेल तर हा एक सोपा उपाय करून पाहू शकता.

हा उपाय करण्यासाठी ३०० मिलिमीटर पाणी घ्या. त्या पाण्यामध्ये २ टेबलस्पून व्हाईट व्हिनेगर घाला.

याच मिश्रणात १ चमचा बेकिंग सोडा घाला आणि सगळं पाणी व्यवस्थित हलवून घ्या.

आठवड्यातून एकदा हे पाणी कुंडीतल्या मातीमध्ये घाला. यामुळे हळूहळू माती भुसभुशीत होईल आणि रोपंही छान वाढतील.