उन्हाळ्यात मिरची, भेंडीसह 'या' ७ भाज्यांची रोपं लावा, घरच्या बागेतूनच मिळेल आठवडाभराची ताजी भाजी
Updated:March 11, 2024 15:27 IST2024-03-11T15:15:28+5:302024-03-11T15:27:11+5:30
कुंडीतल्या भाज्यांची वाढ चांगली होण्यासाठी त्यांना हवामान अनुकूल पाहिजे. काही ठराविक भाज्यांच्या वाढीसाठी उन्हाळा अगदी परफेक्ट आहे. त्यामुळे त्या भाज्यांच्या बिया आतापासूनच म्हणजे मार्च महिन्यातच तुम्ही लावायला पाहिजे.
अशा उन्हाळ्यात भरभरून येणाऱ्या भाज्या कोणत्या याविषयीचा व्हिडिओ myplantsmygarden या इन्स्टाग्राम पेजवर शेअर करण्यात आला आहे.
यामध्ये सांगितलेले सगळ्यात पहिली भाजी आहे भेंडी. उन्हाळ्यात भरपूर भेंडी पाहिजे असेल तर आताच तिच्या बियांची खरेदी करून टाका.
उन्हाळ्याच्या दिवसात एखाद्या मोठ्या पसरट कुंडीमध्ये किंवा टबमध्ये तुम्ही कांदाही लावू शकता.
मिरची लावण्यासाठी छोटी कुंडीही पुरेशी आहे. मिरचीचं रोप उन्हाळ्यात भरभरून वाढेल.
एखाद्या मोठ्या कुंडीमध्ये दुधीभोपळाही चांगला लागतो. मात्र यासाठीची कुंडी खोलगट आणि मोठी असावी.
टोमॅटोचं रोपही तुम्ही कुंडीमध्ये लावू शकता. सध्याचं हवामानही टोमॅटोच्या वाढीसाठी अतिशय अनुकूल आहे.
कारल्याच्या बियाही या दिवसात लावून पाहा. मोठ्या पसरट कुंडीमध्ये हे रोप लावा.
गवार, बीन्स अशा शेंगांच्या वाढीसाठीही हा ऋतू चांगला आहे.