महाशिवरात्री: इंस्टंट भाजणीच्या थालिपीठाची सोपी रेसिपी, पोटाला दमदार- ॲसिडीटी, अपचन मुळीच होणार नाही

1 / 6

कोणत्याही उपवासाच्या दिवशी भाजणीचं थालिपीठ खाणं हा एक उत्तम पर्याय मानला जातो. कारण थालिपीठामुळे ॲसिटीटी, अपचन असे त्रास होत नाहीत. शिवाय ते पोटभरीचं असल्याने वारंवार भूकही लागत नाही.

2 / 6

म्हणूनच महाशिवरात्रीचा उपवास करणार असाल तर भाजणीचं थालिपीठ खाण्यास प्राधान्य द्या. घरात भाजणी तयार नसेल तर पुढे सांगितलेल्या पद्धतीने तुम्ही उपवासासाठी इंस्टंट भाजणी तयार करू शकता.(mahashivratri special upvas bhajani thalipith)

3 / 6

यासाठी सगळ्यात आधी १ वाटी साबुदाणा गॅसवर मंद आचेवर भाजून घ्या. त्यानंतर १ वाटी राजगिराही भाजून घ्या. हे सगळे पदार्थ भाजत असताना गॅस मंद ठेवावा. (how to make instant bhajani for mahashivratri upvas?)

4 / 6

नंतर १ वाटी भगर घालून ती देखील मंद आचेवर व्यवस्थित भाजून घ्या. भाजून घेतलेले सगळे पदार्थ थंड झाल्यानंतर ते मिक्सरमधून अगदी बारीक करून घ्या. तुमचं इंस्टंट भाजणी पीठ तयार.

5 / 6

आता हे पीठ एका भांड्यात काढा. त्यामध्ये उकडलेले दोन मध्यम आकाराचे बटाटे किसून टाका. त्याचप्रमाणे हिरव्या मिरच्यांची पेस्ट, २ ते ३ चमचे शेंगदाण्याचा कूट, चवीनुसार मीठ, हवं असेल तर लाल तिखट असं सगळं साहित्य घालून थोडंसं दही घालून पीठ मळून घ्या.

6 / 6

आता तव्याला थोडंसं तूप लावून या पिठाचे थापून खमंग थालिपीठ तयार करा..