Dussehra 2025 : गुलाबजाम आतून कच्चे राहतात? ७ टिप्स, पाक मुरेल छान-मऊ लुसलुशीत होतील गुलाबजाम

Dussehra 2025 Gulab Jamun Recipe : गुलाबजामचं पीठ मळताना त्यात दूध आणि पाणी वापरा. मिश्रण इतकं मऊ असावं त्याचे गोळे सहज वळता येतील आणि भेगा पडणार नाही.

दसऱ्या (Dussehra 2025) निमित्त अनेकांच्या घरात गोडधोड पदार्थ बनवले जातात. नेहमी बाहेरून आणण्यापेक्षा घरच्याघरी तुम्ही मऊसूत तोंडात टाकताच विरळघतील असे परफेक्ट गुलाबजामून बनवू शकता. ( 7 Tips For Gulab Jamun Making)

विकतसारखे मऊ, परफेक्ट गुलाबजाम होण्यासाठी काही खास टिप्स पाहूया. (Gulab Jamun Recipe)

गुलाबजामचे मिश्रण हलक्या हातानं मळा. पीठ जास्त दाबून मळू नका. कारण यामुळे ग्लुटेन सक्रिय होते. तळताना गोळे कडक होतात आणि भेगा पडतात. (Tips For Gulab Jamun Making)

गुलाबजामच्या पिठात बेकिंग सोडा आणि बेकिंग पावडर जास्त प्रमाणात वापरू नका. जास्त सोडा वापरल्यास गुलाबजाम तळताना फुटतात.

गुलाबजामचं पीठ मळताना त्यात दूध आणि पाणी वापरा. मिश्रण इतकं मऊ असावं त्याचे गोळे सहज वळता येतील आणि त्यात भेगा पडणार नाही.

गोळे तेलात घातल्यावर लगेच चमचा लावू नका. तुपाचा रंग थोडा बदलल्यावर तेलाल गोल फिरवा जेणेकरून गुलाबजामून समान तळले जातील.

गुलाबजामचा पाक खूप गरम असेल तर आवरण कडक होईल. पाक खूप थंड असेल तर गुलाबजाम पाक शोषून घेणार नाही.

गुलाबजाम पाकात घातल्यानंतर कमीत कमी ३ ते ४ तास पाकात भिजवा ज्यामुळे आतून पूर्णपणे ज्युसी होतील.