नवरात्रीच्या उपवासाची 'अशी' करून ठेवा तयारी- ऐनवेळची धावपळ टळून उपवासाचे पदार्थ होतील झटपट

1 / 8

नवरात्रीमध्ये कित्येक घरांमधल्या महिलांना ९ दिवसाचे उपवास असतात. आता ९ दिवस उपवास करायचा म्हटला की घरात उपवासाचे वेगवेगळे पदार्थ असायलाच हवे. त्यासाठीच नवरात्रीच्या आधीच उपवासाच्या पदार्थांची थोडी विशेष तयारी करून ठेवायला हवी.(cooking tips for 9 days Navratri fast)

2 / 8

जेणेकरून ऐनवेळी स्वयंपाक करताना धावपळ होणार नाही आणि कोणताही उपवासाचा पदार्थ अगदी झटपट तयार होईल..(how to prepare your kitchen for 9 days Navratri fast?)

3 / 8

नवरात्रीच्या उपवासासाठी घरात उपवास भाजणीचे पीठ करून ठेवा. त्याचे अगदी झटपट थालिपीठ किंवा उपमा करता येतो. थालिपीठ पचायलाही सोपे असते.

4 / 8

१ ते २ किलो शेंगदाणे घरात आणून ठेवा. त्यातले अर्धे शेंगदाणे भाजून त्याचा कुट करून ठेवा. थालिपीठ, भगर, साबुदाणा खिचडी अशा पदार्थांमध्ये घालायला दाण्याचा कूट हाताशी तयार असला की स्वयंपाक झटपट होतो.

5 / 8

बटाटे भरपूर आणून ठेवा. इतर कोणते पदार्थ करण्याचा कंटाळा आला तर बटाट्याचा किस, बटाट्याच शीरा असे पदार्थ अगदी पटकन करता येतात.

6 / 8

त्याचप्रमाणे विकत मिळणारे राजगिरा लाडूही घरात आणून ठेवा. थोडीशी भूक लागल्यास लाडू पटकन खाता येतो किंवा मग गरम दुधात कालवून खिरीसारखा खाता येतो.

7 / 8

चिप्स, चकली असे उपवासाचे पदार्थ असतील तर ते एकदाच भरपूर तळा आणि एखाद्या एअरटाईट डब्यात घालून ठेवा. जेव्हा पाहिजे तेव्हा पटकन खाता येतात. एअर टाईट डब्यात हे पदार्थ ३ ते ४ दिवस चांगले टिकतात. सादळून जात नाहीत.

8 / 8

उपवासाच्या दिवसांत घरात फळंही भरपूर आणून ठेवा. जेव्हा इतर पदार्थ खाण्याची इच्छा होत नाही तेव्हा पटकन एखादं फळ खाता येतं.