चांदनीतील श्रीदेवी ते आता स्वानंदी, प्लेन साड्यांची फॅशन पुन्हा गाजतेय! पाहा सिंपल पण सुपरस्टायलिश साड्या...

Plain Saree New Trend : trending plain saree looks : plain saree trend for women : सदाबहार साधेपणाची हटके फॅशन! कधीच जुन्या न होणाऱ्या प्लेन साड्यांचा 'ट्रेंडिंग' लूक - सिंपल पण सुपर स्टायलिश!

एकेकाळी “चांदनी” चित्रपटात प्लेन साडीत नजर खिळवून ठेवणारी श्रीदेवी, तिच्या त्या लूकमुळे (plain saree trend for women) प्लेन साड्यांचे सौंदर्य, फॅशनची एक वेगळीच ओळख बनली. श्रीदेवीने 'चांदनी' चित्रपटातून जो प्लेन साडीचा ट्रेंड सेट केला, तो आजही अनेक महिलांच्या मनात घर करून आहे. साधेपणा आणि मोहकता यांचा अनोखा संगम असलेल्या या प्लेन साड्या आता पुन्हा एकदा ट्रेंडमध्ये परत आल्या आहेत!

आताच्या पिढीतील अभिनेत्री, इन्फ्लुएन्सर्स आणि आपल्यापैकी बऱ्याचशा महिला (Plain Saree New Trend) देखील प्लेन साड्यांना मॉडर्न आणि सुपर स्टायलिश पद्धतीने नेसून फॅशन ट्रेंड फॉलो करताना दिसत आहे.

झी मराठी वरील गाजत असलेली 'वीण दोघातील तुटेना' या मालिकेतील स्वानंदी हे पात्र म्हणजेच अभिनेत्री तेजश्री प्रधान ही देखील प्लेन साड्यांना सुंदर पद्धतीने कॅरी करताना दिसतात, ज्यामुळे तिचा लूक साधासुधा असूनही ती खूपच सुंदर दिसत आहे.

फॅशनच्या जगात जुन्या गोष्टीच किंवा जुनेच ट्रेंड पुन्हा नव्या रुपात परत येतात, आणि सध्या 'प्लेन साडी'चा ट्रेंड हा त्यापैकीच एक... एकेकाळी अगदी साधेपणाची ओळख असलेल्या या साड्यांची फॅशन काही काळ मागे पडली होती, पण आता याच साध्या - सुंदर प्लेन साड्यांनी नव्याने आणि दिमाखात कमबॅक केले आहे...

आजकाल बॉलिवूड सेलिब्रिटीजपासून ते वाजिद तुमच्या - आमच्या पर्यंत अनेकजणी प्लेन साड्यांना स्टायलिश आणि ग्लॅमरस पद्धतीने कॅरी करताना दिसतात.

प्लेन साडीचा हा ट्रेंड खास आहे, कारण आपल्याला साडीच्या रंगासोबत डिझायनर ब्लाऊज, स्टेटमेंट ज्वेलरी किंवा ट्रेंडी बेल्ट अशा ॲक्सेसरीजसोबत मस्त अगदी परफेक्ट पेअरिंग करता येते.

प्लेन साडीतील याच सदाबहार साधेपणाचा आणि ट्रेंडिंग लूकची हटके फॅशन पाहा. प्लेन साडीला आपण विविधरंगी आणि हटके पद्धतीने स्टाईल करू शकता.

साडीच्या रंगाशी जुळणारा किंवा कॉन्ट्रास्ट असलेला फुल स्लीव्ह्जचा डिझायनर ब्लाऊज आणि मोठे झुमके किंवा डिझायनर कानातले त्यावर परफेक्ट शोभून दिसतात.

प्लेन साडीवर जर तुम्ही स्लीव्हलेस किंवा डीप - नेक मिरर वर्क ब्लाऊज आणि हलका मेकअप केला तरी हा साधासुधा लूक अत्यंत सुंदर दिसतो.

प्लेन साडीला जर मॉडर्न आणि हटके लूक द्यायचा असेल तर आपण, गळ्यात चोकर आणि साडी नेसून कंबरेला बारीक डिझायनर बेल्ट लावून मॉडर्न लूक करु शकतो.

हलक्या पेस्टल शेडच्या साड्या, मिनिमल मेकअप आणि सॉफ्ट कर्ल्स असा परफेक्ट मॉडर्न लूक देखील खुलून दिसतो.

लाइटवेट जॉर्जेट किंवा शिफॉनमधली स्काय ब्ल्यू प्लेन साडी फ्रेश आणि एलिगंट लूक देते.