सोहा अली खानने शेअर केल्या ब्यूटी टिप्स- किचनमधल्या 'या' पिठाचा फेसपॅक खुलवतो तिचं सौंदर्य

बॉलीवूडची प्रसिद्ध अभिनेत्री असो किंवा एखादी सर्वसामान्य महिला असो, आपलं सौंदर्य खुलविण्यासाठी जमेल तसे प्रयत्न करणं हा बहुसंख्य महिलांचा नैसर्गिक स्वभाव असतोच..

आता सौंदर्य खुलविण्यासाठी आपल्याकडे कित्येक घरगुती उपाय आहेत जे आपल्या आजी, आई यांच्याकडून आपल्याला कळालेले असतात.. असाच एक खास पारंपरिक उपाय सोहा अली खानही करते आणि तिने तोच उपाय सोशल मिडियावर शेअर केला आहे.

हा उपाय करण्यासाठी सगळ्यात आधी एका वाटीमध्ये १ चमचा बेसन पीठ घ्या. बेसन पीठ हे एक नॅचरल स्क्रबर म्हणून ओळखलं जातं. त्वचेवरचं टॅनिंग, डेडस्किन काढून टाकण्यासाठी ते उपयुक्त ठरतं.

आता या पिठामध्येच चिमूटभर हळद घाला. हळद भाजून घातली तर ते अधिक उत्तम.

आता त्यामध्ये थोडा मध घालावा. मधामुळे त्वचा छान हायड्रेटेड राहण्यास मदत होते. पण ज्यांना ॲक्नेचा त्रास आहे, त्यांनी मध घालणं टाळावं.

यानंतर या पिठामध्ये थोडी चंदन पावडर घाला. चंदन त्वचेला थंडावा देऊन तजेलदार ठेवते. ज्यांना पिंपल्सचा खूप त्रास असतो, त्यांच्यासाठीही चंदन उपयुक्त ठरते.

आता सगळ्यात शेवटी या पिठामध्ये थोडे दही आणि थोडे गुलाब जल घालावे.

सगळे पदार्थ एकदा व्यवस्थित कालवून घ्या आणि हा लेप चेहऱ्याला लावा. यानंतर १५ मिनिटांनी चेहरा धुवून टाका.

चेहऱ्यावर छान चमक येईल. त्वचा मऊ, मुलायम झाल्यासारखी जाणवेल.