महागडे तेल-शाम्पू लावूनही केस गळणं थांबत नाही? ‘हा’ घरगुती शाम्पू लावा, ३० दिवसात दिसेल फरक

1 / 9

केस गळणे, केसांमध्ये कोंडा होणे, कमी वयात केस पांढरे होणे किंवा केसांची वाढ न होणे अशा केसांच्या बाबतीतल्या कोणत्याही समस्या असतील तर सगळ्यात आधी आपण शाम्पू बदलतो.

2 / 9

पण त्यामुळे फार काही फरक पडत नाही. उलट वेगवेगळे शाम्पू ट्राय केल्यामुळे केसांवर केमिकल्सचा एवढा मारा होतो की त्यामुळे केसांचं बऱ्याचदा नुकसानच होतं.

3 / 9

म्हणूनच आता विकत मिळणारे इतर सगळे शाम्पू सोडा आणि एक घरगुती शाम्पू काही दिवस नियमितपणे वापरून पाहा. हा शाम्पू वापरल्याने केसांच्या बऱ्याच तक्रारी कमी होऊ शकतात.

4 / 9

यासाठी एका भांड्यात दिड ग्लास गरम पाणी घ्या. त्यात आवळा आणि रिठा पावडर दोन्ही मिळून ६ चमचे घाला. काही वेळ हे पाणी झाकून ठेवा.

5 / 9

यानंतर दुसऱ्या एका भांड्यात ६ चमचे जवस घ्या. त्यात दिड ग्लास पाणी घालून ते गॅसवर गरम करायला ठेवा. पाणी उकळून थोडं चिकट झालं की गॅस बंद करा.

6 / 9

त्याचप्रमाणे अर्धी वाटी जास्वंदाच्या पाकळ्या घेऊन त्या ही थोड्या पाण्यात भिजत घाला.

7 / 9

तसेच ३ चमचे गुलाब पावडर घेऊन ती देखील काही वेळ गरम पाण्यात भिजत घाला.

8 / 9

आता आवळा, रिठा पावडरचे पाणी, जवसाचे पाणी, जास्वंदाच्या पाकळ्यांचे पाणी, गुलाब पावडरचे पाणी असं सगळं एका बरणीमध्ये एकत्र करा. त्यात ३ चमचे ॲलोव्हेरा जेल घाला. सगळे पदार्थ व्यवस्थित हलवून एकजीव करा. हा झाला तुमचा घरगुती शाम्पू तयार.

9 / 9

एकदा तयार केलेला हा शाम्पू महिनाभर चांगला राहातो. या शाम्पूने काही दिवस नियमितपणे केस धुवून पाहा. vaishu_umesh_katariya या इंस्टाग्राम पेजवर हा उपाय सुचवण्यात आला आहे.