सर जो तेरा चकराए..‘या’ पद्धतीने घरी केलेल्या तेलाचं मालिश ५ मिनिटांत करते जादू, ५ फायदे-स्ट्रेस गायब

आठवड्यातून एकदा किंवा दोन वेळा बहुतांश लोक केसांना मालिश करतात आणि त्यानंतर काही तासाने शाम्पू करून केस धुतात.

आता केसांना तेल लावण्यासाठी कोणतंही एकाच प्रकारचं तेल लावण्यापेक्षा जर तुम्ही काही वेगवेगळे तेल एकत्र करून डोक्याला मालिश केल्यास केस तर चांगले होतातच पण त्यामुळे अनेक शारिरीक आणि मानसिक फायदेही होतात. त्यासाठी घरगुती पद्धतीने तेल कसं तयार करायचं ते पाहूया..(best home made hair oil combinations for healthy hair)

हे तेल तयार करण्यासाठी १०० मिली खोबरेल तेल घ्या. खोबरेल तेल हा तेलासाठी एक उत्तम बेस असून केसांना मॉईश्चराईज करण्यासाठी ते उपयुक्त ठरतं.

खोबरेल तेलामध्ये ५० ते ६० थेंब रोजमेरी तेल घाला. रोजमेरी तेलामुळे केसांची वाढ तर होतेच, पण डोकं शांत होण्यास, रात्री शांत झोप लागण्यासही मदत होते.

आता या तेलमध्येच १ टीस्पून बदाम तेल घाला. बदाम तेलामुळे रक्ताभिसरण चांगले होऊन केसांची मुळं पक्की होण्यास मदत होते. त्यामुळे केस गळण्याचं प्रमाण कमी होतं.

आता या तेलामध्ये १ चमचा आवळ्याचं तेल घाला. आवळ्याच्या तेलामुळे केस कमी वयात पांढरे होत नाहीत.

तसेच आता सगळ्यात शेवटी त्यामध्ये १ टीस्पून अक्रोड तेल घाला. अक्रोडाच्या तेलामुळे मन शांत होतं. तसेच एकाग्रता वाढण्यासही मदत होते. वरील सगळे प्रकारचे तेल एकत्र करा आणि त्याने केसांना मालिश करा.

आठवड्यातून एकदा तरी हा उपाय करावा. यामुळे केसांना आणि आरोग्याला अनेक लाभ होतील, अशी माहिती डॉ. मनिषा यांनी सोशल मीडियावर शेअर केली आहे.