अमेरिका-इराण युद्धामुळे जीवनावश्यक वस्तूंचा पुरवठा कधीही खंडित होऊ शकतो. अशातच तेल, पेट्रोल-डिझेल आणि सिलेंडरचा तुटवडा सगळीकडे जाणवायला लागला आहे. (Induction var chapati kashi karaychi) गॅस सिलेंडर मिळत नसल्यामुळे तासनतास रांगेत उभे राहूनही रिकाम्या हाताने परत यावे लागते. पण जर आपल्याकडे वीज उपलब्ध असेल तर इंडक्शन शेगडी हा एक चांगला पर्याय ठरु शकतो.( Gas samplyavar upay) अनेकांना प्रश्न पडतो की, इंडक्शनवर डाळ-भात तर होईल पण चपाती कशी फुलेल. पण काही सोप्या ट्रिक्स लक्षात ठेवल्या तर चपाती आणि डाळ-भात व्यवस्थित बनेल.
इंडक्शन कुकरमध्ये आपल्याला लागणाऱ्या जवळजवळ सर्व गोष्टी आपण बनवू शकतो. चहा, कॉफी, गरम दूध, मॅगी, पास्ता, उपमा, पोहे, सूप आणि विविध भाज्या सहज बनवता येतात. तसंच इंडक्शन कुकरमध्ये आपल्याला तळणे, उकळणे यांसारखे पदार्थ देखील बनवता येतात.
अनेकांना असं वाटतं की भात फक्त गॅसवर किंवा कुकरमध्ये शिजवला जातो.इंडक्शनवर डाळ-भात लावताना नेहमी 'प्रेशर कुकर'चा वापर करावा. गॅसच्या तुलनेत इंडक्शनवर पाणी लवकर उकळते. डाळ-भात लावण्यापूर्वी तांदूळ आणि डाळ किमान २० मिनिटे भिजत ठेवा. यामुळे ते शिजायला कमी वेळ लागतो. इंडक्शनवर कुकर लावताना सुरुवातीला 'High Power' वर ठेवा आणि वाफ तयार झाली की 'Low Power' वर करून शिट्ट्या होऊ द्या.
शांत स्वभाव कमजोरी नाही ताकद, ‘या’ ४ गुणांमुळे इंट्रोवर्ट माणसं होतात यशस्वी-जगतात आनंदात
इंडक्शनवर चपाती करण्यासाठी लोखंडी तवा किंवा बिडाचा तवा वापरण्याऐवजी इंडक्शन फ्रेंडली फ्लॅट तवा वापरा. चपाती लाटून तव्यावर टाका. जेव्हा ती एका बाजून थोडी भाजली जाईल, तेव्हा ती उलटून घ्या. इंडक्शनवर फ्लेम नसल्यामुळे वाफेच्या मदतीने चपातीच्या कडा दाबून फुलवण्याचा प्रयत्न करा.
आपल्याला गॅससारखी फुललेली चपाती हवी असेल तर एक स्टीलची जाळी इंडक्शन तव्यावर ठेवा. तवा गरम झाला की, चपाती दोन्ही बाजूने थोडी भाजून घ्या. मग तवा बाजूला ठेवून इंडक्शनच्या काचेवर जाळी ठेवून चपाती भाजा. उष्णतेच्या मदतीने चपाती भाजली जाईल.