आता जिरेही उरले नाहीत खरे! बाजारात आलेत सिमेंटचं आवरण असलेले जिरे, फोडणीचा जीवघेणा ठसका - Marathi News | cement coated fennel is being sold as cumin, how to identify fake cumin, adulteration in jeera or cumin

ठळक मुद्देजिरे खातानाही काळजी घ्यायला हवी. शुद्ध जिरे आणि भेसळीचे जिरे यांच्यातला फरक ओळखायला हवा.

जिरे हा आपल्या स्वयंपाक घरातला अगदी नेहमीचा पदार्थ. भाजी असो, आमटी असो किंवा कोशिंबीर असो... त्या पदार्थांना खमंग चव येण्यासाठी आपण त्यांना जिऱ्यांची खमंग, कडकडीत फोडणी घालताेच. किंवा मग बहुतांश पदार्थांमध्ये जिरेपूडचा वापर केला जातो. जिरे पाचक असतात, शरीर थंड ठेवण्यासाठी मदत करतात, चयापचय क्रिया चांगली करतात, शिवाय इतरही अनेक फायदे देतात. त्यामुळे आपण नियमितपणे जिरे खातो. पण तेच जिरे आता आपल्यासाठी घातक तर ठरत नाहीत ना हे एकदा तपासून पाहायलाच हवे (cement coated fennel is being sold as cumin).. कारण सध्या जिऱ्यांमधली भेसळ प्रचंड वाढली आहे.(Adulteration in Jeera or Cumin)

जिऱ्यांना केलं जातंय सिमेंटचं कोटिंग

याविषयीची एक केस नुकतीच मध्यप्रदेश येथे उघडकीस आली. त्यामध्ये असं आढळून आलं की जिरे म्हणून जे विकलं जात होतं ते जिरे नव्हतेच. त्याऐवजी बडिशेपचा वापर करण्यात आला होता. बडिशेपच्या दाण्यांवर सिमेंट आणि वेगवेगळे केमिकल्स असणारं मिश्रण एकत्र करून लावण्यात आलं होतं

लग्नात लाडाच्या करवलीसाठी साऊथ इंडियन घागऱ्याचे सुंदर १० डिझाइन्स, साऊथच्या अभिनेत्रींपेक्षा सुंदर तुमचा थाट

आणि त्यावर जिऱ्याच्या आर्टिफिशियल सुगंधाचा मारा केला गेला होता. हे प्रकरण उघडकीस आल्यानंतर तीन जणांवर कारवाई करण्यात आली. विशेष म्हणजे या जिऱ्यांचं जे पाकिट होतं ते अगदी एका प्रसिद्ध ब्रॅण्डच्या पाकिटाशी मिळतंजुळतं होतं. त्यामुळे ग्राहकांनी आता इथून पुढे जिरे खातानाही काळजी घ्यायला हवी. शुद्ध जिरे आणि भेसळीचे जिरे यांच्यातला फरक ओळखायला हवा.

जिऱ्यांमधली भेसळ कशी ओळखायची?

१. जिऱ्यांमधली भेसळ ओळखण्यासाठी जिरे ५ ते ६ तास पाण्यामध्ये भिजू द्या. त्यानंतर ते हाताने चोळा. त्यानंतर ते पुन्हा पाण्यात घाला आणि पाणी हलवून घ्या. जर तळाशी मातकट पदार्थ जमा झाला तर ते जिरे भेसळीचे आहेत.

World Cancer Day: महिलांना ४ प्रकारच्या कॅन्सरचा सगळ्यात जास्त धोका, 'ही' दुखणी अंगावर काढणं जिवावर बेतेल

२. दुसरा एक सोपा मार्ग म्हणजे थोडेसे जिरे हातावर घ्या आणि ते जरा जोर लावून चोळा. जिरे चोळल्यानंतर जर हाताला वेगळा रंग लागलेला असेल किंवा त्यातून नेहमीच्या जिऱ्याच्या सुगंधापेक्षा काही वेगळा केमिकलयुक्त वास येत असेल तर ते जिरे खाणं टाळायला हवं.

English

हिंदी सारांश

Web Title : Beware! Cement-coated cumin seeds found in market; health alert issued.

Web Summary : Cement-coated cumin seeds are being sold, posing health risks. Adulteration involves coating fennel seeds with cement and artificial scents. A recent case in Madhya Pradesh led to arrests. Consumers should check for color release or unusual smells to identify fake cumin.