लांब केस हे आपल्या सौंदर्यात अधिक भर घालतात. लांबसडक, काळेभोर आणि दाट केस ही केवळ सौंदर्याची खूण नसून ते आपल्या आतील आरोग्याचे प्रतिबिंब असते.(Hair Growth Laddu) सध्याच्या धावपळीच्या जगात व्यवस्थित खाणंपिण नसेल, अतिरिक्त ताण, प्रदूषण आणि पोषणाच्या कमतरतेमुळे केसांवर त्याचा परिणाम होतो. त्यामुळे कमी वयात केस गळणं, पांढरं होणे आणि विरळ होण्याच्या समस्या मोठ्या प्रमाणात वाढल्या आहेत.(Natural Hair Regrowth) आपण केसांना महागडे शाम्पू, तेल किंवा हेअर ट्रिटमेंट्स घेतो. यामुळे केसांचे जास्त प्रमाणात नुकसान होते. केसांच्या आरोग्यासाठी बायोटिन, ओमेगा-३ फॅटी अॅसिड्स आणि प्रथिनांची गरज असते. (Homemade Protein Bars for Hair)
आपल्यालाही केसांच्या अनेक समस्यांपासून सुटका हवी असेल तर हा मॅजिकल हेअर ग्रोथ लाडू आपल्यासाठी वरदान ठरेल. यामध्ये असणारे घटक केसांना पुरेसे पोषण देतात, ज्यामुळे केसांची वाढ व्यवस्थित होईल.(Stop Hair Fall Naturally) इतकंच नाही रोज एक लाडू खाल्ल्याने महिन्याभरात आपल्याला केसांच्या गुणवत्तेत फरक पाहायला मिळेल. हा लाडू फक्त केसांसाठीच नाही तर हाडांच्या मजबूतीसाठी आणि रोगप्रतिकारशक्तीसाठीही तितकाच प्रभावी आहे. (Ayurvedic Hair Nutrition)
लाडू बनवण्यासाठी लागणारे साहित्य
भोपळ्याच्या बिया - १ कप
खरबूजाच्या बिया - १ कप
काळे तीळ - १ कप
अळशी - १ कप
अक्रोड - १ कप
शेवग्याच्या पानांची पावडर - १/२ कप
खजूर - १२ ते १५
गूळ पावडर - १ कप
साजूक तूप - ५ ते ६ मोठे चमचे
कृती
1. सगळ्यात आधी बिया आणि अक्रोड मंद आचेवर हलके भाजून घ्या. ज्यामुळे त्यातील ओलावा निघून जाईल. भाजलेले सर्व साहित्य थंड झाल्यानंतर मिक्सरमध्ये घालून त्याची बारीक पावडर तयार करा.
2. या पावडरमध्ये शेवग्याच्या पानांची पावडर मिसळा. नंतर बिया काढलेले खजूर आणि गूळ पावडर घालून पुन्हा एकदा मिक्सरमध्ये फिरवून घ्या. ज्यामुळे सर्व घटक एकजीव होतील. हे मिश्रण एका परातीत काढून घ्या. आवश्यकतेनुसार तूप घालून त्याचे छोटे छोटे लाडू वळून घ्या.
फायदे
अळशी आणि अक्रोडमधील ओमेगा-३ मुळे केसांची मुळे घट्ट होतात. भोपळ्याच्या बियांमध्ये झिंक असते. जे नवीन केस येण्यास मदत करते. तीळ आणि शेवग्यातील पोषक तत्वे केसांमधील मेलॅनिन टिकवून ठेवते. ज्यामुळे अकाली पांढरे होणारे केस कमी होण्यास मदत होईल.