घनदाट, काळेभोर, लांबसडक केस कुणाला आवडत नाही? आपल्यापैकी प्रत्येकीला वाटत की आपले केस अगदी सुंदर दिसावेत. आपण केसांची वेळीच योग्य ती काळजी घेतली तर केसांची निगा राखणं अतिशय सोपं होऊन जातं... केसांच्या आरोग्यासाठी आणि त्यांच्या नैसर्गिक वाढीसाठी नैसर्गिक तेलाचा वापर केव्हाही अतिशय फायदेशीर ठरतो. आजकाल केसांच्या अनेक समस्यांपैकी केस गळणे आणि केसांची वाढ खुंटणे या दोन मुख्य समस्या अगदी बऱ्याचजणींना सतावतात. अशा परिस्थितीत योग्य आणि स्वस्त तेलाची निवड ही केसांच्या आरोग्यासाठी अत्यंत महत्त्वाची ठरते(oil for faster hair growth at home).
आपल्या घरात सहज उपलब्ध असणारी काही नैसर्गिक तेल केसांच्या मुळांना पोषण देऊन त्यांची वाढ जलद करण्यास मदत करतात. योग्य पद्धतीने आणि नियमित वापर केल्यास ही तेल केवळ केसांची वाढच (oil for thick and long hair) नाही तर केसांना मजबुती, चमक आणि दाटपणा देखील देतात. जर तुम्हांलाही कमी खर्चात केसांची योग्य काळजी घ्यायची असेल, तर योग्य तेलाची निवड आणि त्याचा नियमित वापर हा एक सोपा आणि फायदेशीर उपाय ठरू शकतो. केसांच्या वाढीसाठी कोणत्याही प्रकारचा दुष्परिणाम नसलेलं आणि खिशाला अजिबात कात्री न लावणाऱ्या तेलाचे वेगवेगळे प्रकार नेमके कोणते? या तेलाचा (best oil for hair fall and regrowth) योग्य वापर केल्यास तुमच्या केसांच्या वाढीला कशी गती मिळेल याचा सोपा घरगुती उपाय पाहूयात...
केसांच्या वाढीसाठी सर्वात उत्तम स्वस्त तेल कोणतं ?
१. ब्राह्मी तेल (Brahmi Oil) :- केसांच्या चांगल्या आरोग्यासाठी ब्राह्मी तेल हे एखाद्या औषधापेक्षा कमी मानले जात नाही. हे तेल 'ब्राह्मी' या अत्यंत गुणकारी औषधी वनस्पतीपासून तयार केले जाते. यामध्ये मुबलक प्रमाणात अँटीऑक्सिडंट्स असतात, जे केसांचे योग्य पोषण करतात आणि त्यांच्या मुळांना मजबूत बनवण्यास मदत करतात. हे तेल थोडे कोमट करून स्काल्पवर (केसांच्या मुळांशी) १० ते १५ मिनिटे हलक्या हाताने मसाज करा. त्यानंतर कमीत कमी ३० मिनिटांपासून ते अगदी रात्रभर हे तेल केसांमध्ये तसेच राहू द्या. दुसऱ्या दिवशी केस स्वच्छ धुवून घ्या. चांगल्या परिणामांसाठी तुम्ही आठवड्यातून २ वेळा हा उपाय करू शकता.
२. भृंगराज तेल (Bhringraj Oil) :- आयुर्वेदामध्ये भृंगराजला 'केशराज' असेही म्हटले जाते. या तेलाच्या वापराने केस मजबूत होतात, तसेच ते अधिक चमकदार आणि मऊमुलायम बनतात. हे तेल भृंगराजच्या पानांपासून तयार केले जाते. जर तुमचे केस खूप जास्त प्रमाणात गळत असतील किंवा तुम्हाला टक्कल पडण्याची समस्या जाणवत असेल, तर भृंगराज तेल तुमच्यासाठी अत्यंत फायदेशीर ठरू शकते. केसांच्या उत्तम वाढीसाठी हे तेल प्रचंड फायदेशीर मानले जाते. हे तेल थोड कोमट करून स्काल्पवर व्यवस्थित मालिश करा. त्यानंतर ३० ते ४० मिनिटे किंवा शक्य असल्यास रात्रभर केसांमध्ये तसेच राहू द्या. दुसऱ्या दिवशी एखाद्या सौम्य शाम्पूने केस स्वच्छ धुवावेत. चांगल्या परिणामासाठी तुम्ही आठवड्यातून २ ते ३ वेळा याचा वापर करू शकता.
३. आवळा तेल (Amla Oil) :- आयुर्वेदात आवळ्याला 'आरोग्याचा खजिना' मानले जाते. यामध्ये मुबलक प्रमाणात व्हिटॅमिन 'सी' (Vitamin C), अँटीऑक्सिडंट्स आणि विविध खनिजे असतात, जी केसांसाठी अत्यंत आवश्यक आहेत. आवळ्याच तेल केसांना योग्य पोषण देते, ज्यामुळे केस तुटण्याचे प्रमाण कमी होते आणि केसांची वाढ झपाट्याने होते. आवळा तेल आणि नारळ तेल एकत्र करून त्याने केसांची चांगली मालिश करावी. १ तासानंतर केस एखाद्या माईल्ड शाम्पूने धुवावेत. चांगल्या परिणामांसाठी तुम्ही आठवड्यातून २ ते ३ वेळा हा उपाय करू शकता.
केसांना तेल लावण्याची योग्य पद्धत काय आहे?
१. तेल थोडं कोमट करून घ्या :- तेल नेहमी हलके कोमट करूनच वापरावे. कोमट तेलाने मालिश केल्यामुळे ते केसांच्या मुळाशी खोलवर जाते आणि त्याचे गुणधर्म अधिक चांगल्या पद्धतीने काम करतात.
२. बोटांच्या टोकांनी मसाज करा :- तेल लावताना आपल्या बोटांच्या मदतीने टाळूवर हलक्या हाताने मालिश करावी. लक्षात ठेवा की मसाज करताना बोटांच्या टोकांचा वापर करावा, नखांचा नाही. मालिश केल्यामुळे स्काल्पचे रक्ताभिसरण सुधारते.
३. तेल केसांमध्ये किती वेळ ठेवावं :- तेल लावल्यानंतर ते किमान २ ते ३ तास केसांमध्ये तसेच राहू द्यावे. जर तुम्ही रात्री तेल लावून सकाळी केस धुणार असाल, तर त्याचा केसांना अधिक चांगला फायदा होतो.