काही जणींचे केस खूपच गळतात. गळून गळून अगदी पातळ झालेले असतात. केस जर याच वेगात गळत राहिले तर काही दिवसांतच टक्कल पडेल की काय अशी भीती काहीजणींना वाटते. तुमचंही असंच झालं असेल तर इतर सगळे उपाय सोडा आणि हा एक सोपा घरगुती उपाय करून पाहा. हा उपाय करण्यासाठी आपण स्वयंपाक घरातले केसांसाठी उपयुक्त ठरणारे काही पदार्थ एकत्र करून खाणार आहोत. ज्यामुळे केसांच्या वाढीसाठी उपयुक्त ठरणारे पदार्थ त्यांना भरपूर प्रमाणात मिळतील आणि केसांची छान वाढ होईल (how to get rid of thin hair?). केस गळणं कमी करण्यासाठी इतर वरवरचे उपाय करण्यापेक्षा हा उपाय करणं नक्कीच अधिक चांगलं ठरू शकतं (best home remedies for thick hair). कारण या उपायामुळे आतूनच मुळापासून तुमच्या केसांचं आरोग्य सुधारण्यावर भर दिला जाणार आहे.(home remedies to control hair loss or hair fall )
केस गळणं कमी करण्यासाठी सोपा घरगुती उपाय
केस गळणं कमी करण्यासाठी कोणता आयुर्वेदिक सोपा उपाय करता येऊ शकतो, याविषयीची माहिती तज्ज्ञांनी ourrecipeisyours या इन्स्टाग्राम पेजवर शेअर केली आहे.
लग्नाचे मुहूर्त, हळदीच्या कार्यक्रमात काढण्यासाठी ५ सुंदर रांगाेळ्या, कार्यक्रम होईल आणखी देखणा
यामध्ये त्यांनी जी पावडर सांगितली आहे ती करण्यासाठी तुम्हाला ५ पदार्थ लागणार आहेत. त्यापैकी सगळ्यात पहिला पदार्थ आहे खोबरे. खोबरे थोडे भाजून किसून घ्या.
त्यानंतर भोपळ्याच्या बिया, काळे किंवा पांढरे तीळ सुद्धा थोडे भाजून नंतर मिक्सरमधून फिरवून घ्या आणि त्यांची पावडर करा.
आता या तिन्ही पदार्थांची पावडर एका भांड्यात एकत्र करून घ्या आणि त्यात थोडी आवळा पावडर आणि थोडी खडीसाखरेची पावडर घाला. सगळे पदार्थ व्यवस्थित हलवून एका बरणीमध्ये भरून ठेवा.
'बस्स एक चुटकी पावडर..'!! वजन कमी होईल भराभर, वजन घटविण्याचा 'हा' खास उपाय
सकाळी आणि संध्याकाळी दररोज नियमितपणे ही पावडर एकेक चमचा खा. यामुळे केसांना छान पोषण मिळेल आणि काही दिवसांतच केसांवर खूप चांगला परिणाम दिसून येईल.