Sushant Singh Rajput Case: ...म्हणून बिहारच्या IPS अधिकाऱ्यांना केलं क्वारंटाईन, BMCने सांगितलं नेमकं कारण
By ऑनलाइन लोकमत | Published: August 3, 2020 01:46 PM2020-08-03T13:46:28+5:302020-08-03T13:49:34+5:30
Sushant Singh Rajput Case: बिहारच्या IPS अधिकाऱ्यांना क्वारंटाईन का केलं यामागचं नेमकं कारण आता पालिकेने सांगितलं आहे. BMC ने आपल्या ट्विटर अकाऊंटवरून याबाबत माहिती दिली आहे.
Sushant Singh Rajput Case: ...म्हणून बिहारच्या IPS अधिकाऱ्यांना केलं क्वारंटाईन, BMCने सांगितलं नेमकं कारण
मुंबई - अभिनेता सुशांत सिंह राजपूतच्या आत्महत्येप्रकरणी तपासासाठी मुंबईत आलेल्या IPS अधिकाऱ्याला BMC ने केलं क्वारंटाईन केल्याची घटना समोर आली आहे. अधिकाऱ्यांना क्वारंटाईन केल्यानंतर अनेकांनी पालिका आणि पोलिसांवर निशाणा साधत जोरदार टीका केली आहे. मात्र बिहारच्या IPS अधिकाऱ्यांना क्वारंटाईन का केलं यामागचं नेमकं कारण आता पालिकेने सांगितलं आहे. BMC ने आपल्या ट्विटर अकाऊंटवरून याबाबत माहिती दिली आहे.
सुशांतच्या आत्महत्ये प्रकरणाचा अधिक तपास करण्यासाठी आयपीएस अधिकारी आणि बिहार शहर पूर्वचे पोलीस अधीक्षक विनय तिवारी मुंबईत दाखल झाले आहेत. मात्र मुंबई महानगरपालिकेने त्यांना क्वारंटाईन केलं आहे. बिहार पोलिसांनी तिवारी यांना जबरदस्तीने क्वारंटाईन केल्याचा आरोप केला आहे. मात्र यावर आता मुंबई महापालिकेने विनय तिवारी यांचे क्वारंटाईन योग्यच असल्याचं म्हटलं आहे. यासोबतच राज्य सरकारच्या नियमावलींचा हवाला देखील दिला आहे.
बिहारमधून आलेल्या अधिकाऱ्यांना
— माझी Mumbai, आपली BMC (@mybmc) August 3, 2020
गृह अलगीकरणात ठेवल्याच्या बातम्यांबाबत वस्तुस्थिती. pic.twitter.com/F0BrSzVj3R
बिहारचे आयपीएस अधिकारी विनय तिवारी हे बिहारमधून आले होते. मुंबईच्या गोरेगाव पूर्वमधील राज्य राखीव पोलीस दलाच्या विश्रामगृहात ते थांबले होते. त्याची माहिती पालिकेच्या पी/दक्षिण विभागाच्या अधिकाऱ्यांना मिळाली. त्यानंतर या अधिकाऱ्यांनी विश्रामगृहावर जाऊन त्यांना क्वॉरंटाईन केले. तिवारी हे देशांतर्गत प्रवासी असल्याने राज्य शासनाच्या नियमावलीनुसार त्यांना होम क्वॉरंटाईन करणे आवश्यक होते. त्यानुसार ही कार्यवाही करण्यात आली असल्याचं पालिकेने म्हटलं आहे.
Sushant Singh Rajput Case: "...नाही तर मुंबई पोलिसांवरील संशय आणखी वाढेल"https://t.co/6WMOQaw7NP#SushantSinghRajputDeathCase#SushantSinghRajput#MumbaiPolice#BiharPolice#SanjayNirupam
— Lokmat (@MiLOKMAT) August 3, 2020
महापालिकेच्या पथकाने बिहार येथून आलेल्या या अधिकाऱ्यांना देशांतर्गत प्रवास करणाऱ्या व्यक्तींसाठी लागू असलेली होम क्वॉरंटाईनची प्रक्रिया सांगण्यात आली. त्यांना राज्य शासनाचे दिनांक 25 मे 2020 रोजीचे आदेश क्रमांक डिएमयू/2020/सीआर 92/डिएसएम 1 अन्वये देशांतर्गत विमान प्रवास करणाऱ्यांना क्वॉरंटाईन करण्याची नियमावली दाखवण्यात आली आणि त्यानुसार त्यांना क्वॉरंटाईन करण्यात आल्याचं म्हटलं आहे. तसेच राज्य शासनाच्या नियमावलीनुसार, क्वारंटाईनमध्ये सूट मिळण्यासाठी महानगरपालिकेच्या सक्षम प्राधिकाऱ्याकडे नियमावलीनुसार अर्ज केल्यास सूट मिळेल अशी माहितीही देण्यात आली आहे.
Sushant Singh Rajput Case: सुशांतच्या आत्महत्येप्रकरणी IPS अधिकारी मुंबईत दाखलhttps://t.co/gZi8S39Ygi#SushantSinghRajputDeathCase#SushantSinghRajput#MumbaiPolice#BiharPolice
— Lokmat (@MiLOKMAT) August 3, 2020
महत्त्वाच्या बातम्या
Raksha Bandhan 2020: रोहित पवारांचं अनोखं रक्षाबंधन, कोरोना वॉरिअर्स बहिणींची घेतली खास भेट
Sushant Singh Rajput Case: 'पालिका आणि पोलिसांना वेड लागलं वाटतं'; संजय निरुपम यांचा हल्लाबोल
Video - ...अन् पाकिस्तानी न्यूज चॅनलवर अचानक फडकला भारताचा झेंडा
CoronaVirus News : धोका वाढला! राज्यात 9,509 नवे रुग्ण, कोरोनाग्रस्तांची संख्या तब्बल 4 लाखांवर
