आला नाताळ सण!

मुंबई : डिसेंबर महिना म्हणजे गुलाबी थंडीचा. वर्षअखेरचा काळ आणि सण नाताळाचा. अवघ्या आठवड्यावर येऊन ठेपलेल्या नाताळसाठी ख्रिस्ती बांधवांनी खरेदी करण्यासाठी मुंबईतील सांताक्रूझ, खार, वांद्रे, माहीम ते थेट कुलाबा व बोरीवली ते मालाड येथील ओरलेम चर्च भागातील बाजारपेठांत गर्दी केली आहे.येशू ख्रिस्ताच्या जन्माचा देखावा तयार करण्यासाठीच्या वस्तू, ख्रिसमस ट्री, सांताक्लॉज स्टॉकिंग्स, मुखवटे, सिरॅमिक बाहुल्या, रंगीबेरंगी झालरी यासारख्या सजावटीच्या वस्तू खरेदी केल्या जात आहेत. नाताळसाठी लागणाऱ्या विविध वस्तूंसाठी शहरातील गिफ्ट शॉप्स, मॉल्स व दुकानेही सजली आहेत. नाताळनिमित्त चर्च व घरांच्या रंगरंगोटी व स्वच्छतेचे काम पूर्ण झाले असून, आता सणासाठी खास खरेदी करण्यासाठी नागरिकांनी बाजाराची वाट धरली आहे.सणासाठीच्या पूर्वतयारीसाठी सजावटीच्या साहित्यासह शुभेच्छापत्रे, खाद्यपदार्थ, नवीन कपडे यांच्या खरेदीलाही उधाण आले आहे. प्रभू येशू व मेरी यांच्या छोट्या मूर्ती १५० ते ४०० रुपयांमध्ये सहज उपलब्ध आहेत. तसेच सांताक्लॉजची गाडी (स्ले), हरण जोडीसुद्धा ५०० ते २००० पर्यंत मिळत आहे. तसेच लहान-मोठ्या आकाराच्या चांदण्यांचे कंदील २०० ते ७०० रुपयांपर्यंत वांद्रे येथील बाजारात विक्रीस आहेत. ख्रिसमस ट्रीमध्ये सर्वसाधारण कुटुंबाला परवडतील असे मात्र त्यातही खास वैशिष्ट्यपूर्ण असे बर्फाच्छादित ट्री, संपूर्ण सफेद ट्री, ५ ते ६ फूट उंच ख्रिसमस ट्री १ हजार २०० रुपयांपासून ३ हजारांपर्यंत आमच्याकडे उपलब्ध आहेत, असे वांद्रे येथील फर्न्स अॅण्ड पेटल दुकानाच्या मालकाने सांगितले.सांताक्लॉजकडून मिळणारी चॉकलेट्स, खेळणी, खाऊ, घरामध्ये लुकलुकणारे तारे, ख्रिसमस ट्री हा सगळा नाताळ सणाचा आनंदोत्सव साजरा करण्याची प्रथा सर्व धर्मांमध्ये निर्माण होत आहे. नाताळचे लहान मुलांमध्ये असलेले प्रचंड आकर्षण पाहून आईवडिलांकडूनही मुलांच्या आवडीनिवडी जोपासण्याचा प्रयत्न होतो. त्यासाठी ख्रिस्ती बांधवांप्रमाणेच अन्य धर्मीयांकडूनही नाताळसाठी खरेदी केली जात आहे, असे ओरलेम येथील वॅक्स हाऊस शॉपची दिव्या म्हणाली.तसेच रस्त्यावरही हरणाच्या शिंगांच्या आकाराची कापडी हेअरबॅण्ड, सांताक्लॉजचे मास्क ५० ते ८० रुपयांमध्ये मिळत आहेत. एकूणच नाताळ सणाच्या खरेदीच्या उत्साहात संपूर्ण मुंबापुरी न्हाऊन निघालीआहे. (प्रतिनिधी)

ठाणे महापालिकेत पाच प्रभागांत १८ जानेवारीला होणार मतदान

प्रतिज्ञापत्र देऊन आर्थिक, सामाजिक सर्वेक्षणास विलंब

आदिवासींना आधार खाजगी दवाखान्यांचा

नवीन वर्षात पनवेलकरांना पाइपने गॅस

पोलीस जीपला महामार्गावर अपघात

सागरी सेतू प्रकल्पग्रस्तांचे यश

वाहतूककोंडी फुटणार!

फॉगिंग मशिनचे डिझेल गाड्यांमध्ये

मेगाब्लॉकमध्ये बेस्ट बस सेवा

हल्ल्याप्रकरणी आरोपी अटकेत

उपनगरात ३१ डिसेंबर रोजी वाहतुकीत बदल

आला नाताळ सण!