Now reveal who is the Chief Minister of the state - Ambedkar | राज्याचे मुख्यमंत्री कोण, याचाच आता खुलासा करा - आंबेडकर

राज्याचे मुख्यमंत्री कोण, याचाच आता खुलासा करा - आंबेडकर

मुंबई : लाॅकडाऊनच्या काळातील वाढीव वीजबिलात सवलत देऊ, असे राज्य सरकारच्यावतीने सांगण्यात आले होते. ५० टक्के वीज माफी करण्याबाबतचा प्रस्तावही महावितरणच्या अधिकाऱ्यांनी राज्य सरकारकडे दिला होता. मात्र, अर्थमंत्री अजित पवार यांनी हा प्रस्ताव दाबून ठेवल्याचा आरोप वंचित बहुजन आघाडीचे नेते प्रकाश आंबेडकर  यांनी सोमवारी केला. तसेच  राज्याचा मुख्यमंत्री नेमका कोण, अजित पवार की उद्धव ठाकरे हे आधी जाहीर करा, असा खोचक टोलाही त्यांनी लगावला.

वंचित बहुजन आघाडीच्या केंद्रीय कार्यालयात आयोजित पत्रकार परिषदेत प्रकाश आंबेडकर यांनी वीजबिलाच्या मुद्द्यावर सरकारवर टीका केली. वीजबिल माफीसंदर्भात ऊर्जामंत्र्यांची भूमिका दुटप्पी आहे. हे राज्याचे दुर्दैव असल्याची  टीका आंबेडकर यांनी केली. त्यामुळे आता मुख्यमंत्र्यांनी राज्यातील जनतेला वीजबिलासंदर्भात दिलासा द्यावा, अशी मागणीही आंबेडकर यांनी केली. भाजप सध्या राज्यभरात वीजबिलावरून आंदोलन करत  आहे. परंतु त्यांना आंदोलन करण्याचा कसलाच नैतिक अधिकार नाही. भाजपच्या काळात वीजबिलाची वसुली न झाल्याने सरकारवर कोट्यवधी रुपयांचा बोजा पडला आहे, असा आरोप आंबेडकर यांनी केला.

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: Now reveal who is the Chief Minister of the state - Ambedkar

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.