Mumbai Sex Racket: मुंबईत स्पा सेंटरच्या नावाखाली सेक्स रॅकेट; एकाला अटक, तीन महिलांची सुटका

Sex Racket Busted in Mumbai: मुंबईत स्पा सेंटरच्या नावाखाली सेक्स रॅकेट चालवणाऱ्या एका व्यक्तीला पोलिसांनी अटक केली.

मुंबईतील ओशिवरा येथील रामशा स्पामध्ये गेल्या वर्षभरापासून वेश्या व्यवसाय रॅकेट चालविल्याच्या आरोपाखाली अंबोली पोलिसांनी एका ५१ वर्षीय व्यक्तीला अटक केली. पोलिसांनी एका बनावट ग्राहकाला पाठवून परिसरात छापा टाकला आणि तीन महिलांची सुटका केली.

अटक करण्यात आलेल्या स्पा मालकाचे नाव शोमा मुखर्जी (५१) असे आहे, तो ओशिवरा येथील मेट्रो स्टेशनजवळील क्रिस्टल प्लाझा येथे रामशा स्पा चालवत होता. पोलिस अधिकाऱ्यांच्या म्हणण्यानुसार, मुखर्जी गेल्या वर्षभरापासून स्पा चालवत होता आणि त्यासाठी त्याने ही जागा भाड्याने घेतली होती. अंबोली पोलीस ठाण्याचे निरीक्षक वसंत देवकाते यांना स्पा मालकाकडून वेश्या व्यवसाय रॅकेट चालविल्याची माहिती मिळाली होती. वरिष्ठ निरीक्षक प्रमोद कोकाटे यांच्या मार्गदर्शनाखाली देवकाते, सहायक पोलिस निरीक्षक पूनम पवार, प्रशांत चौधरी, कॉन्स्टेबल गुलाब पलांडे आणि प्रवीण पाटील यांचा समावेश असलेले एक पथक तयार करण्यात आले.

पथकाने बनावट ग्राहकाला रामशा स्पा येथे पाठविले, जिथे स्पा मालकाने देह विक्रीचा व्यवसाय सुरू असल्याचे निदर्शनास आणले. तसेच बनावट ग्राहकाने दिलेले पाच हजार रुपये देखील आरोपीने स्वीकारले. गुरुवारी रात्री ८ वाजण्याच्या सुमारास पथकाने छापा टाकून २४, २५ आणि ३१ वयोगटातील तीन महिलांची सुटका केली. या महिला पश्चिम बंगाल आणि कर्नाटकच्या रहिवासी आहेत. आम्ही स्पावर छापा टाकला आणि वेश्या व्यवसाय रॅकेट चालविल्याबद्दल मालकाला अटक केली, असे अधिकारी म्हणाले.