20 Aug, 25 06:41 PM
मुंबईला पाणीपुरवठा करणाऱ्या धरणांची पाणीपातळी
गेल्या काही दिवसांपासून धरणांच्या पाणलोट मुसळधार पाऊस होत आहे. त्यामुळे धरणात येणाऱ्या पाण्याचा ओघ वाढला असून, मुंबईला पाणीपुरवठा करणाऱ्या ७ जलाशयांची माहिती वाचा.
20 Aug, 25 06:21 PM
पावसाचा जोर ओसरतोय, मुंबईत उद्या हवामान कसे असणार?
गेल्या आठवडाभरापासून मुंबईकरांना कोंडीत पकडलेल्या पावसाचा जोर हळूहळू ओसरू लागला आहे. बुधवारी मुंबई आणि महानगर प्रदेशात अधून मधून मुसळधार सरी बरसल्या. पण, सोमवार आणि मंगळवारच्या तुलनेत पाऊस कमी झाला. गुरूवारी, २१ ऑगस्ट रोजी पावसाचा जोर आणखी कमी होणार आहे. हवामान विभागाच्या अंदाजाप्रमाणे तुरळक ठिकाणी मुसळधार पाऊस होण्याची शक्यता आहे.
20 Aug, 25 05:32 PM
पावसाचा तडाखा, ५० विमानांना फटका
मुंबईत झालेल्या अतिमुसळधार पावसाचा हवाई वाहतुकीला प्रचंड फटका बसला. माहितीनुसार पाऊस, खराब हवामान यामुळे ५० विमानांना फटका बसला आहे. २१ विमानांना विलंब झाला. तर दोन विमाने रद्द करण्यात आली. तर ४० पेक्षा जास्त विमानांनी निर्धारित वेळेपेक्षा उशिराने उड्डाण केले.
20 Aug, 25 04:25 PM
उल्हासनगर महापालिका आयुक्तांकडून पूरग्रस्त भागाची पाहणी
उल्हासनगर - वालधुनी नदीच्या पुराचे पाणी किनाऱ्यावरील शेकडो घरामध्ये घुसून अनेकांचे संसार रस्त्यावर आले. आयुक्त मनिषा आव्हाळे यांनी बुधवारी सकाळी पूरग्रस्त भागाची पाहणी करून नागरिकांना दिलासा देत मदतीचे आश्वासन दिले.
20 Aug, 25 02:03 PM
मुंबईत सर्व लोकल ट्रेन, बसेस सुरू
सर्व लोकल ट्रेन, बेस्ट बस सेवा आणि नागरी यंत्रणा कार्यरत आणि सतर्क असल्याची माहिती बीएमसीने दिली आहे. अधिकाऱ्यांनी रहिवाशांना अफवांवर विश्वास ठेवू नका आणि मदतीसाठी १९१६ वर महानगरपालिकेच्या आपत्कालीन नियंत्रण कक्षाशी संपर्क साधावा असे आवाहन केले आहे.
20 Aug, 25 12:31 PM
ऑगस्टमध्ये १,००० मिमीपेक्षा अधिक पाऊस; मासिक सरासरीच्या जवळपास दुप्पट
१९ ऑगस्ट रोजी सकाळी ८.३० वाजेपर्यंत मुंबईत १,०००.८ मिमी पावसाची नोंद झाली आहे, जो ऑगस्टमध्ये झालेल्या सरासरी ५६०.८ मिमी पावसापेक्षा जास्त आहे. या महिन्यात मुंबईत झालेल्या पावसाने जून (५१२.७ मिमी) आणि जुलै (७९७.३ मिमी) मध्ये नोंदवलेल्या एकूण पावसापेक्षा आधीच जास्त पाऊस पडला आहे.
20 Aug, 25 12:25 PM
पावसामुळे पश्चिम रेल्वेच्या १७ लोकल गाड्या रद्द
पावसामुळे पश्चिम रेल्वेच्या अप आणि डाऊन मार्गावरच्या १७ लोकल गाड्या रद्द करण्यात आल्या आहेत. पहाटे ३.४० ते ५.३१ दरम्यानच्या १७ गाड्या रद्द करण्यात आल्या आहेत. चर्चगेटकडे जाणाऱ्या सहा तर विरारला जाणाऱ्या चार गाड्या रद्द आहेत. सध्या पश्चिम रेल्वे लाईनवरची लोकल सेवा ते दहा ते पंधरा मिनिटं उशिरानं सुरू आहे.
20 Aug, 25 12:24 PM
मुंबईत मध्यरात्रीपासून पावसाचा जोर ओरसरला; वाहतूक मात्र संथगतीने
भारतीय हवामान विभागाने बुधवारी २० ऑगस्ट रोजी मुंबईत ऑरेंज अलर्ट दिला आहे. मात्र मुसळधार पावसानंतर मध्यरात्रीपासून पाऊस कमी झाला आहे आणि आज शहरात पाणी साचल्याची नोंद नाही.
20 Aug, 25 12:22 PM
मुंबई लोकलची आजची स्थिती काय? दादर स्थानकातून LIVE
मुंबई पावसाने विश्रांती घेतल्यानंतर दादर स्थानकात नेहमीप्रमाणे प्रवासी पाहायला मिळत आहेत.
20 Aug, 25 12:17 PM
१५ तासांनंतर हार्बर मार्गावरील लोकल ट्रेन सेवा पूर्ववत
मुसळधार पावसामुळे ट्रॅक पाण्याखाली गेल्यामुळे मुंबईची लाईफलाईन थांबल्यानंतर १५ तासांहून अधिक काळ मध्य रेल्वेच्या हार्बर मार्गावरील लोकल ट्रेन सेवा बुधवारी पहाटे ३ वाजता पूर्ववत करण्यात आल्या.
20 Aug, 25 12:13 PM
मुंबईत मध्यरात्रीपासून पावसाचा जोर ओरसरला; वाहतूक मात्र संथगतीने
भारतीय हवामान विभागाने बुधवारी २० ऑगस्ट रोजी मुंबईत ऑरेंज अलर्ट दिला आहे. मात्र मुसळधार पावसानंतर मध्यरात्रीपासून पाऊस कमी झाला आहे आणि आज शहरात पाणी साचल्याची नोंद नाही.
19 Aug, 25 10:51 PM
२० ऑगस्टला मुंबईत शाळा-महाविद्यालयांना अद्याप सुट्टी नाही
२० ऑगस्ट रोजी मुंबईतील शाळा महाविद्यालयांना सुट्टी जाहीर केल्याचा मेसेज खोटा, मुंबई महापालिकेचा खुलासा
हा संदेश खोटा आहे. बृहन्मुंबई महानगरपालिकेने आपल्या सोशल मीडियावरून अशी कोणतीही माहिती प्रसारित केलेली नाही.
— माझी Mumbai, आपली BMC (@mybmc) August 19, 2025
This message is fake. The Brihanmumbai Municipal Corporation has not issued any such information through its official social media platforms.#MyBMCUpdates… pic.twitter.com/hl0FYRouew
19 Aug, 25 09:18 PM
ठाणे जिल्ह्यातील शाळांना सुट्टी
उद्या अतिवृष्टीचा इशारा देण्यात आला आहे. यामुळे ठाणे जिल्ह्यातील शाळांना सुट्टी देण्यात आली आहे, याबाबत ठाणे जिल्हा परिषदेने आदेश दिला आहे.
19 Aug, 25 09:07 PM
पावसामुळे ठप्प झाल्यानंतर मध्य रेल्वेवर कल्याण साठी पहिली लोकल ७:२८ वाजता सुटली
पावसामुळे ठप्प झाल्यानंतर मध्य रेल्वेवर कल्याण साठी पहिली लोकल ७:२८ वाजता सुटली.
19 Aug, 25 07:57 PM
मुंबईत प्रवाशांनी भरलेली मोनो रेल्वे मध्येच बंद पडली
सकाळपासून मुंबईत मुसळदार पाऊस सुरू आहे. या पावसामुळे लोकल रेल्वेसेवा बंद झाल्या आहेत. पण, मोनोरेल्वे सेवा सुरू होत्या. दरम्यान, मोनो रेल्वे मध्येच बंद पडल्याची माहिती समोर आली आहे. यामध्ये अनेक प्रवासी अडकले आहेत.
19 Aug, 25 07:51 PM
पनवेलमध्ये शाळा कॅालेजला उद्या २० ॲागस्ट रोजी सुटी
मुसळधार पावसामुळे पनवेळमधील शाळांना उद्या २० ऑगस्ट रोजी सुट्टी जाहीर करण्यात आली आहे. याबाबर रायगड जिल्हा शिक्षण अधिकारी यांनी निर्देश दिले आहेत..
19 Aug, 25 06:43 PM
जोरदार ते अतिजोरदार पावसाच्या सरी
हवामान विभागाने पावसाचा अंदाज व्यक्त केला आहे. जोरदार ते अतिजोरदार पावसाच्या सरी आणि समवेत ४० ते ५० किलोमीटर /तास या वेगाने, तसेच ६० किलोमीटर /तास पर्यंत वेग घेणारे वारे वाहण्याची शक्यता आहे.
19 Aug, 25 06:12 PM
ठाण्यातील उपवन तलाव ओव्हरफ्लो
ठाणेकरांना तलावाजवळ जाण्यास बंदी , वर्तक नगर पोलिस स्टेशन चे कर्मचारी तलावा जवळ तैनात .
व्हिडीओ : विशाल हळदे
19 Aug, 25 05:52 PM
राज्याचे उपमुख्यमंत्री तथा मुंबई शहर जिल्हा पालकमंत्री एकनाथ शिंदे आपत्कालीन नियंत्रण कक्षात
19 Aug, 25 05:31 PM
दुथडी भरून वाहणाऱ्या मिठी नदीत अचानक वाहून जाऊ लागला तरुण... पाहा VIDEO
पवई फिल्टरपाडा येथे मिठी नदीत तरुण वाहून गेल्याचा व्हिडिओ समोर आला आहे. मिळालेल्या माहितीनुसार या व्हिडिओत तरुण वाहून गेलेला दिसत असला तरी सुदैवाने त्याला पुढे जाऊन यशस्वीरित्या बाहेर काढलं गेलं आहे.
19 Aug, 25 05:22 PM
मिठी नदी धोक्याच्या पातळीवर, कुर्ला क्रांतिनगरमध्ये शिरलं पाणी
मुंबईत सकाळपासून सुरु असलेल्या मुसळधार पावसामुळे आता मिठी नदीनं धोक्याची पातळी गाठलीय. मुंबईला २६ जुलै २००५ चा भयानक परिस्थितीचा अनुभव गाठीशी असल्यामुळे आज मिठीनं धोक्याची पातळी गाठताच ndrf चं पथक कुर्ल्याच्या क्रांतीनगरमध्ये दाखल झालं आणि नागरिकांना सतर्कतेचं आवाहन केलं गेलं.
19 Aug, 25 05:14 PM
मुंबईला पावसाने झोडपले, लोकलची स्थिती काय? दादर स्थानकातून Live
मुंबईला मुसळधार पावसाने झोपडले असून ठिकठिकाणी पाणी साचले आहे. मुंबईची लाइफलाइन असलेल्या लोकल सेवेवरही पावसाचा परिणाम झाला आहे. पश्चिम आणि मध्य रेल्वेची परिस्थिती सध्या नेमकी काय आहे? याचा दादर स्थानकातून घेतलेला आढावा...
19 Aug, 25 05:12 PM
रेल्वे रुळांवर पाण्याने मध्य रेल्वेची सेवा ठप्प
19 Aug, 25 04:48 PM
विमान वाहतुकीलाही पावसाचा फटका; मुंबई विमानतळावरील विमानांना 'गो अराऊंड'चा मेसेज
मुंबईत सुरू असलेल्या पावसामुळे हवाई वाहतूकही विलंबाने सुरू आहे. मुसळधार पाऊस आणि खराब हवामान यामुळे दृश्यमानता कमी झाली असून, मुंबईत विमानतळावर अचानक ९ विमानांचे लँडिंग अचानक काही वेळासाठी रोखण्यात आले. विमानतळावर लँडिंगसाठी आलेल्या ९ विमानांना अचानक गो अराऊंडचा मेसेज दिला गेला. त्यामुळे ही विमाने बराच वेळ आकाशात घिरट्या मारत होती.
19 Aug, 25 04:33 PM
मुंबईत पाऊस सुरूच राहणार; हवामान खात्याचा इशारा
आज संध्याकाळी मुंबईसह ठाणे, पालघर, रायगड आणि रत्नागिरी जिल्ह्यांसाठी हवामान विभागाने 'रेड अलर्ट' जारी केला आहे. पुढील तीन तासांत, ४०-५० किमी प्रतितास वेगाने जोरदार सोसाट्याच्या वाऱ्यासह अति तीव्र पावसाची शक्यता आहे. नागरिकांना सतर्क राहून आवश्यक खबरदारी घेण्याचे आवाहन करण्यात आले आहे.
19 Aug, 25 04:05 PM
मुसळधार पाऊस अन् सोसाट्याच्या वाऱ्यामुळे कोसळले वृक्ष
19 Aug, 25 03:53 PM
राज्यातली स्थिती बऱ्यापैकी नियंत्रणात- मुख्यमंत्री देवेंद्र फडणवीस
19 Aug, 25 03:44 PM
पावसाचा जोर वाढला, मरिन ड्राइव्हवर धडकल्या लाटा!
19 Aug, 25 03:37 PM
मुंबईच्या साकीनाका विभागात मोठ्या प्रमाणात पाणी साचल्यामुळे दोन्ही बाजूच्या मार्गिका बंद
- मुंबईच्या साकीनाका विभागात मोठ्या प्रमाणात पाणी साचल्यामुळे दोन्ही बाजूची मार्गिका बंद झालेली आहे
- बस असेल किंवा रिक्षा असेल आणि इतर वाहन देखील बंद
- घाटकोपर अंधेरी लिंक रोड बंद
19 Aug, 25 03:25 PM
मध्य, हार्बर मार्गावरील लोकल रेल्वे सेवा रद्द
मुंबई महानगर प्रदेशात सुरू असलेल्या अतिवृष्टीसदृश्य पावसामुळे रेल्वे रुळ पाण्याखाली गेले असून, मध्य रेल्वे मार्ग आणि हार्बर मार्गावरील लोकल रेल्वे सेवा काही काळासाठी रद्द करण्यात आली आहे. छत्रपती शिवाजी महाराज टर्मिनस ते ठाणे आणि छत्रपती शिवाजी महाराज टर्मिनस ते कुर्लापर्यंतची लोकल रेल्वे सेवा बंद करण्यात आली आहे.
19 Aug, 25 03:12 PM
उद्याचा दिवसही पावसाचा; मुंबईत अतिवृष्टी होण्याचा हवामान खात्याचा अंदाज
१९-२० दरम्यान कोकण; मुंबई ठाणे सहीत व मध्य महाराष्ट्र लगतच्या घाट भागात व विदर्भात काही ठिकाणी मुसळधार ते अतिमुसळधार पावसाची शक्यता. आज मराठवाड्यात तुरळक ते व्यापक पावसाची शक्यता. दरम्यान ताशी ४०-५० किमी वेगाने वारे वाहण्याची शक्यता आहे. - कृष्णानंद होसाळीकर, हवामान तज्ज्ञ.
19 Aug, 25 02:59 PM
मुंबईत दुपारी २.३० पर्यंत पावसाची स्थिती
सांताक्रूझ - १५१.४ मिमी पावसाची नोंद
विक्रोळी - १४१.५ मिमी पावसाची नोंद
जुहू - ११०.५ मिमी पावसाची नोंद
भायखळा - ९२ मिमी पावसाची नोंद
वांद्रे - ८९ मिमी पावसाची नोंद
कुलाबा - २९ मिमी पावसाची नोंद
19 Aug, 25 02:54 PM
उपमुख्यमंत्री एकनाथ शिंदे यांची मुंबई महापालिका आपत्कालीन नियंत्रण कक्षास भेट.
19 Aug, 25 02:37 PM
मुंबईत पावसाचं थैमान, धडकी भरवणारी १० दृश्यं...
19 Aug, 25 02:14 PM
19 Aug, 25 02:07 PM
पावसात अडकलेल्या नागरिकांना मुंबई महापालिकेकडून खाद्यपदार्थांचे वाटप
पावसामुळे ठिकठिकाणी अडकून पडलेल्या नागरिकांना खाद्यपदार्थांचे वाटप महापालिकेकडून केले जात आहे.
19 Aug, 25 01:57 PM
मुंबईत पावासाचा हाहाकार, मध्य आणि हार्बर रेल्वे ठप्प, सद्यस्थिती जाणून घ्या...
19 Aug, 25 01:45 PM
हार्बर लाइनची लोकल सेवा पूर्णपणे खोळंबली
मुसळधार पावसाचा लोकलला फटका. हार्बर लाइनची लोकल सेवा पूर्णपणे खोळंबली. वाशी ते सीएसटी लोकल सेवा पूर्णपणे ठप्प. वाशी स्टेशनवर प्रवाशांची गर्दी. तर पनवेल ते वाशी सेवा सुरू. पनवेलवरून सीएसटीकडे जाणाऱ्या व येणाऱ्या प्रवाशांचे हाल.
19 Aug, 25 01:41 PM
मिठी नदी परिसरात पूरस्थिती, एनडीआरएफकडून नागरिकांना आवाहन काय?
19 Aug, 25 01:28 PM
महिला पोलिसांना सॅल्यूट, पावसात अडकलेली कार बाहेर काढली
19 Aug, 25 01:22 PM
रस्ता पूर्णपणे पाण्याखाली, चारचाकी साचलेल्या पाण्यात अडकली
19 Aug, 25 01:19 PM
प्रवाशांच्या मदतीसाठी मध्य रेल्वेकडून हेल्प डेस्क
मुसळधार पावसामुळे मध्य रेल्वेवरील वाहतूक ठप्प झाली आहे. प्रवाशांच्या मदतीसाठी आणि माहिती देण्यासाठी मध्य रेल्वेकडून हेल्प डेस्क सुरू करण्यात आला आहे.
19 Aug, 25 01:17 PM
मध्य रेल्वे ठप्प, प्रवाशांची पायपीट
मुसळधार पावसामुळे मध्य रेल्वेची वाहतूक ठप्प झाल्यामुळे कुर्ला येथे अनेक प्रवासी ट्रॅकवरूनच सीएसटीच्या दिशने चालत जात आहेत.
19 Aug, 25 12:50 PM
मुसळधार पावसाने मध्य रेल्वेला फटका, भांडुप रेल्वे स्थानकात रेल्वे रुळ पाण्याखाली
19 Aug, 25 12:46 PM
मुंबईत ११.३० पर्यंत पावसाची स्थिती
विक्रोळी - ९५ मिमी पावसाची नोंद
सांताक्रूझ - ९४. ८ मिमी पावसाची नोंद
जुहू - ५७ मिमी पावसाची नोंद
वांद्रे - ४५ मिमी पावसाची नोंद
भायखळा - ३७.५ मिमी पावसाची नोंद
कुलाबा - १३.८ मिमी पावसाची नोंद
19 Aug, 25 12:44 PM
बृहन्मुंबई महानगरपालिका व मुंबई पोलिसांच्या सूचनांचे काटेकोरपणे पालन करावे
मुंबई महानगरपालिका परिसरात सुरू असलेल्या मुसळधार पावसामुळे मिठी नदीची पातळी ३.९ मीटर इतकी वाढली होती. ही बाब लक्षात घेता प्रतिबंधात्मक उपाययोजना म्हणून क्रांतीनगर, कुर्ला या परिसरातील सखल भागातील सुमारे ३५० नागरिकांचे स्थलांतर हे तात्पुरत्या निवाऱ्याचे ठिकाण असणाऱ्या बृहन्मुंबई महानगरपालिकेच्या मगनदास मथुराम मनपा शाळेत करण्यात आले आहे. या ठिकाणी सदर नागरिकांच्या खानपानाची व्यवस्था महानगरपालिकेतर्फे करण्यात आली आहे. तसेच आता समुद्राची भरती ओसरू लागल्यानंतर मिठी नदीची पातळी देखील ओसरू लागली असून ही पातळी ३.९ मीटर वरून आता ३.६ मीटर इतकी झाली आहे. मुसळधार पावसाच्या अनुषंगाने बृहन्मुंबई महानगरपालिका क्षेत्रात राहणाऱ्या सर्व नागरिकांना विनंती करण्यात येते की, त्यांनी बृहन्मुंबई महानगरपालिका व मुंबई पोलीस यांच्याद्वारे वेळोवेळी देण्यात आलेल्या सूचनांचे काटेकोरपणे पालन करावे.
19 Aug, 25 12:43 PM
पालिका प्रशासनाने आर उत्तर विभागात केल्या पाण्याचा निचरा; वाहन चालक व नागरिकांना दिला दिलासा
मुंबई-गेले दोन दिवस मुंबईत मुसळधार पाऊस पडत आहे. आर उत्तर विभागात दहिसर पूर्व येथील पश्चिम द्रुतगती महामार्ग, पायल अंडरपास या ठिकाणी मुसळधार पावसात आर उत्तर विभागाचे सहाय्यक आयुक्त नयनिश वेंगुर्लेकर व त्यांचे अभियंता आणि कामगार यांच्यासहित उपस्थित राहून भरतीच्या वेळी पावसामुळे पाण्याचा निचरा पंपिंग द्वारे केला. यामुळे विशेष म्हणजे सदर ठिकाणी वाहतूक खोळंबलेली नव्हती. गेले दोन दिवस अखंडपणे पडत असलेल्या मुसळधार पावसामध्ये ही अहोरात्र वेंगुर्लेकर त्यांच्या अधिकारासहित प्रत्यक्ष फील्डवर उपस्थित होते. येथून जाणारे वाहन चालक, प्रवासी यांनी महानगरपालिकेचे या सहाय्यक आयुक्त व अभियंता यांचे विशेष आभार व कौतुक केले.तर परिमंडळ ७ चे पालिका उपायुक्त संजय कुऱ्हाडे यांनी सुद्धा या विभागाला भेट देवून येथील परिस्थितीचा आढावा घेत येथील अधिकाऱ्यांना नागरिकांची गैरसोय होणार नाही,साचलेल्या पाण्याचा निचरा अतिरिक्त पंप लावून करण्याच्या सूचना दिल्या.
19 Aug, 25 12:38 PM
गेले दोन दिवस मुंबईत मुसळधार पाऊस पडत असतांना आज अंधेरी पूर्व गुंदवली ते अंधेरी पश्चिम डी. एम.नगर मेट्रो सेवा सुरळीत सुरू होती.त्यामुळे प्रवाश्यांना मोठा दिलासा मिळाला.
19 Aug, 25 12:37 PM
मंगल प्रभात लोढा यांनी घेतला मुंबईतील पावसाच्या स्थितीचा आढावा
जोरदार पावसाच्या पार्श्वभूमीवर, राज्याचे कौशल्य, रोजगार, उद्योजकता व नाविन्यता मंत्री तथा मुंबई उपनगरे जिल्हा सहपालकमंत्री मंगल प्रभात लोढा यांनी महानगरपालिका मुख्यालयातील आपत्कालीन नियंत्रण कक्षात आज भेट दिली आणि मुंबईतील पावसाच्या स्थितीचा आढावा घेतला. यावेळी महानगरपालिका आयुक्त तथा प्रशासक भूषण गगराणी, पोलीस आयुक्त देवेन भारती उपस्थित होते.
19 Aug, 25 12:16 PM
कुर्ल्यापासून सायन पर्यंतच्या रस्त्यावर ठिकठिकाणी कंबरे एवढं पाणी साचलं
19 Aug, 25 12:14 PM
मुख्यमंत्री देवेंद्र फडणवीस यांच्याकडून परिस्थितीचा सातत्याने आढावा
मुंबईत अजूनही पाऊस सुरूच असून आज पहाटे ४ ते सकाळी ११ पर्यंत सरासरी १५० मिमी पेक्षा अधिक पाऊस झालेला आहे. उपनगरात हे प्रमाण अधिक आहे. मिठी नदीची उंची ३.९ मीटर इतकी वाढली असून कुर्ला क्रांतीनगर येथून ३५० नागरिकांना सुरक्षित ठिकाणी स्थलांतरित करण्यात आले आहेत. मुख्यमंत्री देवेंद्र फडणवीस हे सातत्याने आढावा घेत असून महापालिका आयुक्त परिस्थितीवर लक्ष ठेवून आहेत.
19 Aug, 25 11:34 AM
Mumbai Local Train Update
मध्य रेल्वेची ठाणे ते सीएसएमटी दरम्यानची वाहतूक पूर्णपणे बंद
19 Aug, 25 11:57 AM
Mumbai Local Train Update
मुंबईत मुसळधार पाऊस आणि चुनाभट्टी स्टेशनवर पाणी साचल्यामुळे सीएसएमटी दरम्यान हार्बर मार्गावरील रेल्वे सेवा पुढील सूचना मिळेपर्यंत स्थगित करण्यात आल्या आहेत.
19 Aug, 25 12:06 PM
पूर्व उपनगरात काल सकाळी ८ वाजल्यापासून आज सकाळी ८ वाजेपर्यंत कुठे किती पाऊस झाला?
मुंबईत काल १८ ऑगस्ट २०२५ रोजी सकाळी ८ ते आज १९ ऑगस्ट २०२५ रोजी सकाळी ८ वाजेपर्यंत (२४ तास) पावसाची सर्वाधिक नोंद झालेली ठिकाणे.
पूर्व उपनगरे (पावसाची नोंद मिलिमीटरमध्ये)
१) चेंबूर अग्निशमन केंद्र - २९७
२) इमारत प्रस्ताव कार्यालय, विक्रोळी - २९३
३) पासपोली महानगरपालिका शाळा, पवई - २९०
४) वीणा नगर महानगरपालिका शाळा - २८८
५) टागोर नगर महानगरपालिका शाळा - २८७
19 Aug, 25 12:05 PM
क्रांतीनगर येथील रहिवाशांना सुरक्षिततेच्या दृष्टीने सामोरील स्थानिक आश्रयस्थळ, मगन नथुराम म्युनिसिपल स्कूलमध्ये हलवले जात आहे. आत्तापर्यंत या ठिकाणी २५ लोकांचे स्थलांतर करण्यात आले आहे
19 Aug, 25 12:04 PM
मुंबईतील मिठी नदीने धोका पातळी ओलांडली असून, क्रांतीनगर (कुर्ला पश्चिम) येथील रहिवाश्यांचे तातडीने स्थलांतर करण्यात येत आहे. वाढत्या पाण्यामुळे बृहन्मुंबई महानगरपालिका, मुंबई पोलिस आणि राष्ट्रीय आपत्ती व्यवस्थापन पथक (NDRF) यांच्या मदतीने स्थानिक रहिवाशांना सुरक्षितपणे जवळच्या निवारा केंद्रांमध्ये हलवले जात आहे.
19 Aug, 25 12:00 PM
मुंबई शहरात काल सकाळी ८ वाजल्यापासून आज सकाळी ८ वाजेपर्यंत कुठे किती पाऊस झाला?
मुंबईत काल १८ ऑगस्ट २०२५ रोजी सकाळी ८ ते आज १९ ऑगस्ट २०२५ रोजी सकाळी ८ वाजेपर्यंत (२४ तास) पावसाची सर्वाधिक नोंद झालेली ठिकाणे.
शहर (पावसाची नोंद मिलिमीटरमध्ये)
१) पर्जन्य जलवाहिन्या कार्यशाळा, दादर - ३००
२) बी. नाडकर्णी महानगरपालिका शाळा, वडाळा - २८२
३) फ्रॉसबेरी जलाशय, एफ दक्षिण विभाग - २६५
४) प्रतीक्षा नगर महानगरपालिका शाळा, शीव - २५२
५) सावित्रीबाई फुले महानगरपालिका शाळा, वरळी २५०
19 Aug, 25 11:34 AM
मुंबईकरांनो काळजी घ्या. मिठी नदीने गाठली धोक्याची पातळी
19 Aug, 25 11:30 AM
मुसळधार पावसामुळे ठाणे, नवी मुंबई, पनवेल मार्ग ठप्प
मुसळधार पावसामुळे ठाणे, नवी मुंबई, पनवेल मार्ग ठप्प. मुसळधार पावसामुळे ठाण्याहून नवी मुंबईकडे व पनवेलच्या दिशेने जाणारी वाहतूक कळवा येथे ठप्प. ठाणे, नवी मुंबई, पनवेल मार्गावरील विटावा उड्डाणपुलाखाली मोठ्या प्रमाणात पावसाचे पाणी साचल्याने वाहतूक ठप्प. वाहनांच्या रांगा थेट कळवा ते ठाणे इथपर्यंत लागल्या.
19 Aug, 25 11:25 AM
कुर्ला कमानी परिसरात साचले पाणी
कुर्ला कमानी विभागात मोठ्या प्रमाणात रस्त्यावर पाणी भरले आहे. एलबीएस मार्गला कमानीशी जोडणारा काळे रस्ता पाणी भरल्याने ठप्प झाला आहे. सुमारे तीन ते चार फूट पाणी भरले आहे. इथल्या दुकानात पाणी भरल्याने दुकाने बंद करण्यात आली आहे.
19 Aug, 25 11:24 AM
मुंबईत मुसळधार पाऊस सुरु, भरतीमुळे समुद्रालाही उधाण
19 Aug, 25 11:22 AM
मुंबईत पावसाचा कहर, दादर टीटी परिसरात साचलं पाणी, वाहतूक रखडली
19 Aug, 25 11:16 AM
मुसळधार पावसामुळे मुंबईकरांसाठी रेल्वे प्रशासनाकडून ‘सुरक्षा संकेत’ जारी
हवामान खात्याने दिलेल्या ‘रेड अलर्ट’ च्या इशाऱ्यानंतर मध्य रेल्वेच्या मुंबई विभागाने प्रवाशांसाठी ‘सुरक्षा संकेत’ जारी केले आहेत. पावसाळ्यात प्रवास करताना प्रवाशांनी विशेष काळजी घ्यावी, असे प्रशासनाकडून सांगण्यात आले आहे. फूटबोर्डवर उभे राहून प्रवास न करणे, रुळांवर पाणी साचल्यास रुळ ओलांडू नये, रेल्वे कर्मचाऱ्यांच्या सूचनांचे पालन करावे तसेच संयम ठेवावा अशा स्पष्ट सूचना प्रशासनाने दिल्या आहेत.
19 Aug, 25 11:14 AM
मुंबईत मुसळधार पावसाचा लोकल ट्रेन वाहतुकीवर परिणाम
19 Aug, 25 11:08 AM
लोकमत इम्पॅक्ट: नागरिकांना दिलासा; गोरेगाव ओबेरॉय मॉल येथील पाणी अतिरिक्त पंप लावून काढले
लोकमत इम्पॅक्ट: लोकमत वृत्ताची दखल घेत दखल घेत परिमंडळ ४ च्या उपायुक्त डॉ. भाग्यश्री कापसे आणि पी दक्षिण विभागाचे सहाय्यक आयुक्त अजय पाटणे यांनी गोरेगाव पूर्व ओबेरॉय मॉलसमोर जास्त पंप लावून येथील साचलेले पाणी काढले आणि नागरिकांना आणि वाहन चलकांना मोठा दिलासा दिला.
19 Aug, 25 11:04 AM
पश्चिम उपनगरात काल सकाळी ८ वाजल्यापासून आज सकाळी ८ वाजेपर्यंत कुठे किती पाऊस झाला?
मुंबईत काल १८ ऑगस्ट २०२५ रोजी सकाळी ८ ते आज १९ ऑगस्ट २०२५ रोजी सकाळी ८ वाजेपर्यंत (२४ तास) पावसाची सर्वाधिक नोंद झालेली ठिकाणे.
पश्चिम उपनगरे (पावसाची नोंद मिलिमीटरमध्ये)
१) चिंचोली अग्निशमन केंद्र - ३६१
२) कांदिवली अग्निशमन केंद्र - ३३७
३) दिंडोशी वसाहत महानगरपालिका शाळा - ३०५
४) मागाठाणे बस आगार - ३०४
५) वेसावे उदंचन केंद्र - २४०
19 Aug, 25 11:00 AM
मुसळधार पावसामुळे मध्य रेल्वे ठप्प
मध्य रेल्वेची लोकल खोळंबली, सायन-दादर स्थानकांदरम्यान रेल्वे ट्रॅक पाण्याखाली
19 Aug, 25 10:48 AM
मुंबई मुसळधार पाऊस कायम, पवईत पाणी साचले
पहाटेपासून पडणाऱ्या मुसळधार पावसाचा जोर अद्यापही कायम आहे. मुंबई शहर, उपनगर आणि लगतच्या परिसरात पुढील काही तासांत अतिवृष्टीचा इशारा देण्यात आला आहे. मुसळधार पावसामुळे पवईतील काही भागांमध्ये पाणी साचले. यामुळे वाहतूक मंदावली. पाण्यातून वाट काढताना अडचणींचा सामना करावा लागत आहे.
19 Aug, 25 10:41 AM
मुंबईत मुसळधार पावसामुळे दहिसर पूर्व वेस्टन एक्सप्रेस हायवे टोल नाका येथील परिसर जलमय
19 Aug, 25 10:33 AM
मुंबई शहरातील मुसळधार पावसामुळे मरीन ड्राइव्हवर भरती काळात मोठ्या लाटा
19 Aug, 25 10:18 AM
मुसळधार पावसाने गोरेगाव (पूर्व) ओबेरॉय मॉल समोरील जनरल अरुण कुमार वैद्य मार्ग आणि येथील पश्चिम दुर्तगती महामार्ग जंक्शन वर मोठ्या प्रमाणात पाणी तुंबून येथील रस्त्याला जणू तलावाचे स्वरूप आले.
19 Aug, 25 10:09 AM
मिठी नदी परिसरातील १४० घरे व नागरिकांना स्थलांतरित करण्याची तयारी
मिठी नदीची पातळी ३.७ मीटर पर्यंत पोहचली आहे. मिठी नदी परिसरातील १४० घरे व नागरिकांना स्थलांतरित करण्याची तयारी पालिका करणार.....
19 Aug, 25 10:08 AM
दादर टीटी, ट्रॉम्बे, महाराष्ट्र नगर सबवे, अँटॉप हिल या ठिकाणी एमजी आर चौक, कानेकर नगर, सरदार नगर, प्रतीक्षा नगर या भागात सकाळपासून पडत असलेल्या पावसामुळे दीड ते दोन फुटापर्यंत पाणी साठले असल्याने वाहतूक संथगतीने सुरू आहे .
19 Aug, 25 10:07 AM
मुसळधार पावसामुळे मुंबई शहरातील सखल भागांत पाणी; वाहतूक मंदावली
गोल देऊळ, गुलालवाडी, वडाळा, शिवडी, नबाब टॅन्क, नागपाडा, मराठा मंदिर, भायखळा, बावला कंपाऊंड, भोईवाडा, वडाळा स्टेशन चार रस्ता, हिंदमाता जंक्शन, माटुंगा या भागात सकाळपासून पडत असलेल्या पावसामुळे दीड ते दोन फुटापर्यंत पाणी साठले असल्याने वाहतूक संथगतीने सुरू आहे.
19 Aug, 25 09:59 AM
मुंबईत तुफान पाऊस; पाहा, दादर स्थानकातील सद्यस्थिती
19 Aug, 25 09:53 AM
मुंबई पोलीस ऑन ड्युटी! साचलेल्या पाण्यातून वाट काढणाऱ्या वृद्ध महिलेला केली मदत
19 Aug, 25 09:49 AM
मुंबईतील इस्टर्न एक्स्प्रेस हायवेवर पाणी साचले; वाहतुकीला फटका
मुंबईतील इस्टर्न एक्स्प्रेस हायवेवर पाणी साचण्यास सुरुवात झाली आहे. याचा फटका वाहतुकीला बसत आहे.
19 Aug, 25 09:44 AM
मुसळधार पावसामुळे अंधेरी सब वे पाण्याने भरला, वाहतूक बंद
19 Aug, 25 09:38 AM
मुंबईसह ठाणे, कल्याण, नवी मुंबईला पावसाने झोडपले
नवी मुंबईत जोरदार पावसामुळे एपीएमसी भाजीपाला मार्केट आवारात पाणी साचण्यास सुरुवात. मुंबईसह ठाणे, कल्याण, नवी मुंबईत मुसळधार पाऊस पडत आहे.
19 Aug, 25 09:34 AM
खासगी कार्यालये, आस्थापनांनी कर्मचाऱ्यांना घरी राहून कामकाज करण्याच्या सूचना द्याव्यात
भारतीय हवामान खात्याने आज मंगळवार, दिनांक १९ ऑगस्ट २०२५ रोजी बृहन्मुंबई महानगरपालिका क्षेत्रात (मुंबई शहर आणि उपनगरे) अतिमुसळधार पावसाचा इशारा (रेड अलर्ट) दिला आहे. त्याचप्रमाणे, मुंबईत सातत्याने पाऊस कोसळतो आहे.
या पार्श्वभूमीवर, बृहन्मुंबई महानगरपालिका क्षेत्रातील अत्यावश्यक सेवा वगळता, इतर सर्व शासकीय, निमशासकीय कार्यालये तसेच बृहन्मुंबई महानगरपालिका कार्यालये यांना जिल्हा आपत्ती व्यवस्थापन प्राधिकरण या नात्याने महानगरपालिकेकडून आज सुटी जाहीर करण्यात येत आहे.
तसेच, मुंबई महानगरातील सर्व खासगी कार्यालये, आस्थापना यांनी आपल्या कामकाजाच्या स्वरूपानुसार, कर्मचाऱ्यांना घरी राहून कामकाज (वर्क फ्रॉम होम) करण्याच्या आणि अनावश्यक प्रवास टाळण्याच्या सूचना तातडीने द्याव्यात, असे बृहन्मुंबई महानगरपालिकेतर्फे आवाहन करण्यात येत आहे.
19 Aug, 25 09:33 AM
मिठी नदीने धोक्याची पातळी गाठली
19 Aug, 25 09:32 AM
मुंबईत दिवसभरात भरती-ओहोटीची वेळ कोणती?
मुंबई शहर व उपनगरात मुसळधार ते अतिमुसळधार पावसासह अधूनमधून ४५ ते ५५ किलोमीटर प्रतितास वेगाने वारे वाहण्याची शक्यता आहे.
भरती -
सकाळी ९:१६ वाजता - ३.७५ मीटर
ओहोटी -
दुपारी ३:१६ वाजता - २.२२ मीटर
भरती
रात्री ८:५३ वाजता - ३.१४ मीटर
ओहोटी -
मध्यरात्रीनंतर ०३:११ वाजता (उद्या, २० ऑगस्ट २०२५) - १.०५ मीटर
19 Aug, 25 09:30 AM
मुंबई शहर, उपनगरात मुसळधार ते अतिमुसळधार पाऊस, ४५ ते ५५ किमी प्रतितास वेगाने वारे वाहण्याची शक्यता
19 Aug, 25 09:28 AM
नागरिकांनी आवश्यक ती काळजी घ्यावी आणि सुरक्षित राहावे; मुंबई महापालिकेचे आवाहन
19 Aug, 25 09:28 AM
मुंबई पूर्व उपनगरे आज सकाळी ८ वाजेपर्यंत झालेल्या पावसाची नोंद
पूर्व उपनगरे (पावसाची नोंद मिलिमीटरमध्ये)
१) मुलुंड अग्निशमन केंद्र - १००
२) गव्हाणपाडा अग्निशमन केंद्र - ९५
३) विना नगर महानगरपालिका शाळा - ९३
४) चेंबूर अग्निशमन केंद्र - ९०
५) इमारत प्रस्ताव कार्यालय, विक्रोळी - ८७
19 Aug, 25 09:27 AM
मुंबई शहरात आज सकाळी ८ वाजेपर्यंत झालेल्या पावसाची नोंद
मुंबई शहर (पावसाची नोंद मिलिमीटरमध्ये)
१) फॉर्सबेरी जलाशय, एफ दक्षिण कार्यालय - १०९
२) पर्जन्य जलवाहिन्या कार्यशाळा, दादर - १०३
२) बी नाडकर्णी महानगरपालिका शाळा, वडाळा - ९९
३) नायर रूग्णालय - ९४
४) सीआयडीएम, परळ - ८९
19 Aug, 25 09:26 AM
मुंबईत आज सकाळी ८ वाजेपर्यंत झालेल्या पावसाची नोंद
पश्चिम उपनगरे (पावसाची नोंद मिलिमीटरमध्ये)
१) चिंचोली अग्निशमन केंद्र - १०७
२) वर्सोवा उदंचन केंद्र - १०६
३) दिंडोशी वसाहत महानगरपालिका शाळा - ९७
४) सुपारी टॅंक महानगरपालिका शाळा, वांद्रे - ९५
५) कांदिवली अग्निशमन केंद्र - ९२
19 Aug, 25 09:25 AM
मुंबईतील सर्व शासकीय आणि निमशासकीय कार्यालयांना सुट्टी जाहीर
मुंबईत पडत असलेल्या मुसळधार पावसाच्या पार्श्वभूमीवर मुंबईतील सर्व शासकीय आणि निमशासकीय कार्यालयांना सुट्टी जाहीर करण्यात आल्याचे समजते.
19 Aug, 25 09:24 AM
मुंबई पोलिसांकडून सुरक्षिततेच्या मार्गदर्शक तत्त्वांचे पालन करण्याचे आवाहन
आज होणाऱ्या मुसळधार पावसाच्या पार्श्वभूमीवर तुम्ही सुरक्षिततेच्या मार्गदर्शक तत्त्वांचे पालन करत असाल अशी आशा आहे. कृपया काळजी घ्या, गरज असेल तरच बाहेर पडा, भरतीच्या वेळी किनाऱ्याजवळ जाणे टाळा, अशा सूचना मुंबई पोलिसांकडून करण्यात आलेल्या आहेत. कोणत्याही आपत्कालीन परिस्थितीत मदतीसाठी आम्ही तुमच्या जवळ असू हे विसरू नका, असे मुंबई पोलीस विभागाने नागरिकांना आश्वस्त केले आहे. तसेच खाजगी क्षेत्राला शक्य तितके घरून काम करण्याची परवानगी देण्याची विनंती आहे, असे आवाहन करण्यात आले आहे.
19 Aug, 25 09:19 AM
मुसळधार पावसामुळे सखल भागांत पाणी साचले
मुंबईत सुरू असलेल्या मुसळधार पावसामुळे मुंबईतील अनेक सखल भागांत पाणी साचण्यास सुरुवात झालेली आहे. मुंबईतील वांद्रे-खार लिंक रोडवर पाणी साचल्यामुळे वाहतुकीचा वेग मंदावला.
19 Aug, 25 09:14 AM
दुसऱ्या दिवशीही पावसाची संततधार; शाळांना सुट्टी
हवामान खात्याचा मुसळधार पावसाचा इशारा, खबरदारीचा उपाय म्हणून पालिकेने आज शाळांना केली सुट्टी जाहीर.
19 Aug, 25 09:13 AM
हवामान खात्याने मुंबईसाठी रेड अलर्ट जारी केला
बंगालच्या उपसागरात निर्माण झालेल्या कमी दाबाच्या क्षेत्राचा जोर वाढल्याने हवामान खात्याने मुंबईसाठी रेड अलर्ट जारी केला.
19 Aug, 25 09:12 AM
पश्चिम उपनगरात मध्यरात्रीपासून मुसळधार पाऊस
पश्चिम उपनगरात मध्यरात्रीपासून मुसळधार पाऊस सुरूच आहे. पाण्याची पातळी वाढल्याने बोरिवलीतील पोयसर सबवे वाहतुकीसाठी बंद
19 Aug, 25 09:11 AM
मध्य रेल्वेवरील वाहतूक ३५ ते ४० मिनिटे उशिराने
मध्य रेल्वेच्या आंबिवली शहाड स्टेशन मध्ये तांत्रिक बिघाडामुळे पहाटेच्या दोन्ही ट्रेन ३५ ते ४० मिनिटे उशिरा धावत आहेत. सकाळी ४:१० ते ६ या कालावधीत बिघाड झाला होता.
19 Aug, 25 09:11 AM
मुंबई उपनगरांत मागील २४ तासात अतिवृष्टीची नोंद
विक्रोळी परिसरात सर्वाधिक २५५.५ मिमी पाऊस झाल्याची हवामान विभागाची माहिती. पुढील २४ तासात पावसाचा जोर कायम राहण्याचा इशारा