More than 86 Thousand bogus voters in Mumbai, BJP claims | मुंबईमध्ये ८६ हजारांपेक्षा जास्त बोगस मतदार, भाजपचा दावा

मुंबईमध्ये ८६ हजारांपेक्षा जास्त बोगस मतदार, भाजपचा दावा

मुंबई : मुंबईत तब्बल ८६ हजार बोगस आणि दोन वेळा नावे असलेले मतदार असून त्यात बांगलादेशी नागरिकांचाही समावेश असल्याचा दावा मुंबई भाजपने केंद्रीय निवडणूक आयोगाकडे केला आहे. या ८६ हजार कथित बोगस मतदारांची यादीच आयोगाकडे सादर करत ही नावे तत्काळ मतदार याद्यांमधून हटविण्याची मागणीही भाजपने आयोगाकडे केली आहे.
मुख्य निवडणूक आयुक्त सुनील अरोरा यांच्या नेतृत्वाखालील आयोगाच्या पथकाने बुधवारी राज्यातील विविध राजकीय पक्षांच्या प्रतिनिधींशी आगामी विधानसभा निवडणुकीच्या अनुषंगाने चर्चा केली. मुंबई भाजपाध्यक्ष मंगल प्रभात लोढा यांनी निवेदन सादर करीत विधानसभा निवडणुकीपूर्वी मुंबईतील मतदार याद्यांमधून बोगस आणि दुबार नावे वगळण्याची मागणी केली. मुंबई महानगरातील विविध विधानसभा क्षेत्रांच्या मतदार याद्यांमध्ये मोठ्या प्रमाणात बांगलादेशी नागरिकांचीही नावे आहेत. आयोगाने बोगस मतदारांची नावे वगळावीत, अशी मागणी करण्यात आली.

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: More than 86 Thousand bogus voters in Mumbai, BJP claims

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.