Justice The work of Chandiwal Samiti will start soon | न्या. चांदीवाल समितीचे काम लवकरच होणार सुरू

न्या. चांदीवाल समितीचे काम लवकरच होणार सुरू

ठळक मुद्देपरमबीर सिंग यांनी २० मार्च रोजी मुख्यमंत्री उद्धव ठाकरे यांना एक पत्र लिहून देशमुख यांच्यावर १०० कोटींच्या खंडणीसंदर्भात काही आरोप केले होते.

लोकमत न्यूज नेटवर्क
मुंबई : राज्याचे तत्कालीन गृहमंत्री अनिल देशमुख यांच्यावर तत्कालीन मुंबई पोलीस आयुक्त परमबीर सिंग यांनी केलेल्या आरोपांची चौकशी करणारी न्या. कैलास चांदीवाल यांची एक सदस्यीय समिती लवकरच कामाकाजाला सुरुवात करणार आहे. या समितीला मंत्रालयाजवळील जुने सचिवालय इमारतीत कार्यालयासाठी जागा देण्यात आली आहे. त्याबाबतचा आदेश सामान्य प्रशासन विभागाने मंगळवारी काढला.

परमबीर सिंग यांनी २० मार्च रोजी मुख्यमंत्री उद्धव ठाकरे यांना एक पत्र लिहून देशमुख यांच्यावर १०० कोटींच्या खंडणीसंदर्भात काही आरोप केले होते. या आरोपांची चौकशी करण्यासाठी न्या. चांदीवाल यांची समिती नेमण्याचा निर्णय राज्य मंत्रिमंडळाने घेतला होता. जुने सचिवालय इमारतीत राज्य गृहरक्षक दलाच्या ताब्यात असलेल्या जागेपैकी एक हजार चौरस फूट जागा न्या. चांदीवाल समितीच्या कामकाजासाठी देण्यात आली आहे. परमबीर सिंग हे सध्या महासंचालक (गृहरक्षक दल) आहेत. न्या. चांदीवाल यांनी समितीच्या कामकाजासाठी कर्मचारीवर्ग व कार्यालयीन साहित्याची मागणी सामान्य प्रशासन विभागाकडे केली आहे.

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: Justice The work of Chandiwal Samiti will start soon

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.