Mumbai Rain: नालासोपाऱ्यात रेल्वे रुळ पाण्याखाली; वसई-विरार दरम्यानची लोकल सेवा ठप्प

पश्चिम रेल्वेला पावसाचा तडाखा

मुंबई: रात्रीपासून सुरू झालेल्या पावसाचा जोर सकाळीदेखील कायम असल्यानं पश्चिम रेल्वेची वाहतूक विस्कळीत झाली आहे. नालासोपाऱ्यात रेल्वे रुळांवर पाणी साचल्यानं वसई ते विरार दरम्यानची वाहतूक पूर्णपणे ठप्प झाली आहे. विरारहून सुटणाऱ्या रेल्वे गाड्यांनादेखील पावसाचा फटका बसला आहे.

Due to very heavy water accumulation in adjoining areas of Rly tracks & upto 200 mm water above rail level on rail lines at Nallasopara, train movement between Vasai Road - Virar is suspended till further information. Trains running from Churchgate-Vasai Road with delay. @drmbct

— Western Railway (@WesternRly) July 10, 2018

विरारहून चर्चगेटकडे जाणाऱ्या गाड्या 15 ते 20 मिनिटं उशिरानं धावत आहेत. यामुळे चाकरमान्यांना मनस्ताप सहन करावा लागत आहे. रेल्वे रुळांवर पाणी साचल्यानं लोकल गाड्यांचा वेग मंदावला आहे. बोरिवलीकडून चर्चगेटच्या दिशेनं धावणाऱ्या लोकल गाड्यादेखील 15 ते 20 मिनिटं उशिरानं धावत आहेत. त्यामुळे फलाटांवर मोठी गर्दी झाली आहे. ऐन गर्दीच्या वेळी लोकल सेवेचा खोळंबा झाल्यानं प्रवाशांना प्रचंड मनस्ताप भोगावा लागत आहे.