Dumper hits ST Bus at Kings Circle, traffic jam in Sion area | किंग्ज सर्कल येथे डंपरची एसटीला धडक, सायन परिसरात वाहतूक कोंडी

किंग्ज सर्कल येथे डंपरची एसटीला धडक, सायन परिसरात वाहतूक कोंडी

ठळक मुद्देदुपारी तीनच्या सुमारास हा अपघात झाल्याने मुख्य रस्त्यावर वाहनांच्या लांबच लांब रांगा लागल्या होत्या.

ओमकार गावंड

मुंबई : सायन जवळील किंग्ज सर्कल येथील रेल्वे उड्डाणपुलाखाली बुधवारी दुपारी डंपरने एसटीला मागून जोरदार धडक दिली. या अपघातामुळे सायन परिसरात दादरच्या दिशेने जाणाऱ्या मार्गावर मोठ्या प्रमाणात वाहतूक कोंडी झाली होती. भरधाव वेगात असणाऱ्या डंपर चालकाचे नियंत्रण सुटल्याने डंपर थेट एसटीवर मागच्या बाजूने आदळला.

 

 

सुदैवाने यात कोणालाही इजा झाली नाही. दुपारी तीनच्या सुमारास हा अपघात झाल्याने मुख्य रस्त्यावर वाहनांच्या लांबच लांब रांगा लागल्या होत्या. त्यानंतर काही वेळात घटनास्थळी पोलीस दाखल झाले व दोन्ही वाहनांना बाजूला केले. यानंतर या मार्गावरून वाहतूक सुरळीत करण्यात आली. या अपघातामुळे तब्बल एक ते दीड तास वाहतूक कोंडी झाली होती.

 

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: Dumper hits ST Bus at Kings Circle, traffic jam in Sion area

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.