मुख्यमंत्री ठाकरे आज पंतप्रधान मोदी व सोनिया गांधींना भेटणार

By ऑनलाइन लोकमत | Published: February 21, 2020 06:09 AM2020-02-21T06:09:35+5:302020-02-21T06:09:53+5:30

उद्धव ठाकरे आणि सोनिया गांधी यांची ही पहिलीच भेट असेल

Chief Minister Thackeray will meet Prime Minister Modi and Sonia Gandhi today | मुख्यमंत्री ठाकरे आज पंतप्रधान मोदी व सोनिया गांधींना भेटणार

मुख्यमंत्री ठाकरे आज पंतप्रधान मोदी व सोनिया गांधींना भेटणार

Next

मुंबई : मुख्यमंत्री उद्धव ठाकरे शुक्रवारी दिल्लीला जात असून ते पंतप्रधान नरेंद्र मोदी व काँग्रेस पक्षाच्या अध्यक्ष सोनिया गांधी यांची भेट घेणार आहेत. मुख्यमंत्री झाल्यानंतरचा त्यांचा हा पहिलाच दिल्ली दौरा आहे. मुख्यमंत्री ठाकरे सकाळी १२ वाजता पंतप्रधानांना भेटतील, तर सायंकाळी ६ वाजता ते सोनिया गांधी यांची भेट घेणार आहेत. शिवसेना एनडीएत असताना पंतप्रधान मोदी आणि ठाकरे यांच्या अनेकदा भेटी झाल्या आहेत. मुख्यमंत्री झाल्यानंतरही डीजी परिषदेच्या निमित्ताने उभयतांची पुण्यात विमानतळावर भेट झाली होती.

उद्धव ठाकरे आणि सोनिया गांधी यांची ही पहिलीच भेट असेल. राज्यात महाविकास आघाडीचे सरकार स्थापन झाल्यानंतर आदित्य ठाकरे दिल्लीत जाऊन सोनिया गांधी यांना शपथविधी सोहळ्याचे निमंत्रण दिले होते. उद्धव ठाकरे यांच्या भेटीगाठी औपचारिक असल्याचे सांगण्यात येत असले तरी सोनिया गांधी यांच्या भेटीत शिवसेनेला संपुआत घेण्यावर चर्चा होऊ शकते.
 

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: Chief Minister Thackeray will meet Prime Minister Modi and Sonia Gandhi today

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app