BREAKING: मुंबईत कांदिवलीतील इमारतीत भीषण आग, अग्निशमन दल दाखल; महापौरही पोहोचल्या

मुंबईतील कांदिवली येथे हवासा हेरिटेज नावाच्या १५ मजल्याच्या इमारतीत १४ व्या मजल्यावर भीषण आग लागल्याची माहिती समोर आली आहे. आगीची माहिती मिळताच अग्निशमन दलाच्या ४ गाड्या घटनास्थळी पोहोचल्या आहेत

मुंबई-

मुंबईतील कांदिवली येथे हवासा हेरिटेज नावाच्या १५ मजल्याच्या इमारतीत १४ व्या मजल्यावर भीषण आग लागल्याची माहिती समोर आली आहे. आगीची माहिती मिळताच अग्निशमन दलाच्या ४ गाड्या घटनास्थळी पोहोचल्या आहेत आणि आग विझवण्याचे शर्थीचे प्रयत्न सुरू आहेत. रात्री साडेआठ वाजता आग लागल्याची प्राथमिक माहिती समोर आली आहे. आगीचं कारण अद्याप कळू शकलेलं नाही. 

VIDEO: मुंबईत कांदिवली येथील रहिवासी इमारतीत १४ व्या मजल्यावर भीषण आग, अग्निशमन दल घटनास्थळी पोहोचले pic.twitter.com/TqQJjmNdYU

— Lokmat (@lokmat) November 6, 2021

कांदिवली पश्चिमेकडील मथुरादास मार्गावरील हंसा हेरिटेज नावाच्या इमारतीच्या १४ व्या मजल्यावर ही आग लागली आहे. इमारत एकूण १५ मजल्यांची आहे. मुंबईच्या महापौर किशोरी पेडणेकर देखील आगीची माहिती मिळताच तातडीनं घटनास्थळी पोहोचल्या आहेत. इमारतीच्या संपूर्ण १४ व्या मजल्यावर आग पसरली असून ५ जण अडकल्याची माहिती किशोरी पेडणेकर यांनी दिली आहे.