छोटा राजनच्या मृत्यूची मोठी अफवा

By ऑनलाइन लोकमत | Published: May 8, 2021 06:22 AM2021-05-08T06:22:12+5:302021-05-08T06:22:39+5:30

सोशल मीडियावर चर्चा : उपचार सुरू असल्याची रुग्णालयाची माहिती

Big rumor of Chhota Rajan's death | छोटा राजनच्या मृत्यूची मोठी अफवा

छोटा राजनच्या मृत्यूची मोठी अफवा

Next
ठळक मुद्देएकेकाळी आंतरराष्ट्रीय डॉन दाऊद इब्राहिमचा अत्यंत विश्वासू साथीदार असलेला छोटा राजन १९९३ च्या मुंबई बॉम्बस्फोट मालिकेनंतर दाऊद टोळीतून फुटून बाहेर पडला होता

लोकमत न्यूज नेटवर्क
नवी दिल्ली : कुविख्यात डॉन छोटा राजन उर्फ राजन निकाळजे याचा शुक्रवारी दुपारी दिल्लीतील एम्स रुग्णालयात कोरोनाने मृत्यू झाल्याचे वृत्त आले व सोशल मीडियावर त्याचीच चर्चा सुरू झाली. मात्र त्याचे निधन झाले नसून तो जिवंत असून त्याच्यावर उपचार सुरू आहेत, असा खुलासा एम्सला करावा लागला. गुन्हेगाराच्या उपचारांबाबत असा खुलासा रुग्णालयाला प्रथमच करावा लागला.

एकेकाळी आंतरराष्ट्रीय डॉन दाऊद इब्राहिमचा अत्यंत विश्वासू साथीदार असलेला छोटा राजन १९९३ च्या मुंबई बॉम्बस्फोट मालिकेनंतर दाऊद टोळीतून फुटून बाहेर पडला होता. दुबईतून पलायन केल्यानंतर तो अनेक देशांत लपूनछपून वास्तव्यास होता. त्याही काळात तो मुंबईतील अंडरवर्ल्डमध्ये सक्रीय होता. आपल्या हस्तकांमार्फत त्याने मुंबईत अनेक गुन्हे केल्याचा आरोप आहे. मुंबई बॉम्बस्फोटातील अनेक आरोपींची हत्या करून त्याने आपण देशभक्त डॉन असल्याचा दावा केला होता.

२५ आक्टोबर २०१५ रोजी इंडोनेशियात बाली येथे मोहन कुमार नावाने बनावट पासपोर्टच्या आधारे प्रवास करत असताना पकडला गेला. तो फरारी असल्याबाबत भारत सरकारने आधीच रेड कॉर्नर नोटीस जारी केली होती. संशय आल्यानंतर छोटा राजनच्या बोटांचे ठसे तपासले असता त्याची ओळख पटली. त्याच्या अटकेचे वृत्त समजल्यानंतर त्याला ताब्यात देण्याविषयी भारत सरकारकडून इंटरपोलशी संपर्क साधण्यात आला. छोटा राजनचे भारतात प्रत्यार्पण केल्यापासून तो दिल्लीच्या तिहारच्या कारागृहात आहे. कोरोनाचा संसर्ग झाल्यामुळे २५ एप्रिल रोजी त्याला एम्समध्ये दाखल करण्यात आले आहे.

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: Big rumor of Chhota Rajan's death

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app