चॉकलेटचे आमिष दाखवत 20 वर्षीय तरुणानं सहा वर्षाच्या भाचीवर केला बलात्कार

वसईतील 20 वर्षीय तरुणानं चॉकलेटचे आमिष दाखवत आपल्या सहा वर्षीय भाचीवर बलात्कार केल्याचा धक्कादायक प्रकार समोर आला आहे.

मुंबई - वसईतील 20 वर्षीय तरुणानं चॉकलेटचे आमिष दाखवत आपल्या सहा वर्षीय भाचीवर बलात्कार केल्याचा धक्कादायक प्रकार समोर आला आहे. पोलिसांनी त्या नराधम तरुणाला अटक केली असून त्याच्यावर भ.द.वी. नुसार 376, 354 गुन्हा दाखल केला आहे. तर पॉस्कोच्या कलमाअंतर्गत कलम 4 आणि 5 नुसारही गुन्हा दाखल करण्यात आला आहे.

वसईगाव पोलिसांनी दिलेल्या माहितीनुसार, सहा वर्षाची चिमुकली पालघऱ येथील आहे. शुक्रवारी (8 डिसेबर) ती वडिलांनासोबत आजीला भेटण्यासाठी वसईला आली होती. शनवारी त्या 20 वर्षीय मुलानं तीला चॉकलेट देत वसई किल्यावर नेहलं. तो नात्यानं तीचा मामा लागत असल्याची माहिती समोर आली आहे. त्या नराधमानं चॉकलेटचं आमीष देत त्या चिमुकलीसोबत वसई किल्यावर बलात्कार केला.

पोलिसांच्या माहितीनुसार...सहा वाजण्याच्या सुमरास चिमुकली घर कोणालाही न सांगता त्या युवकाबरोबर बाहेर गेली. आठ वाजल्या तरी ती घरी आली नाही. हे पाहून तिच्या वडिलांनी त्या तरुणाला सेलफोनवर फोन करण्याचा प्रयत्न केला पण त्याने फोन उचलला नाही. त्यानंतर पोलिसांची मदत घेण्यात आली. रात्री साडे दहावाजता मुलीच्या चुलतीनं त्या नराधमास पापडी गावात पाहिलं. त्यावेळी ती मुलगी त्याच्यासोबत होती. चिमुकलीच्या चेहऱ्यावर जखम झाल्याचे स्पष्ट दिसत होतं. त्यावेळीच मुलीच्या चुलतीन क्षणाचाही विलंब न करता पोलिसांना कळवलं. त्यानं पळून जाण्याचा प्रयत्न केला मात्र पोलिसानं त्या नराधमास पकडून बेड्या घातल्या.

20 वर्षीय नराधमानं गुन्ह्याची कबुली दिली असून तो सध्या पोलिस कस्टडीत आहे. वैदकीय तपासणीनंतर डॉक्टरांनी चिमुकलीवर बलात्कार झाल्याचे स्पष्ट केलं आहे.