मॉडेल आणि बंगाली अभिनेत्री जुही सेनगुप्ता हिला नुकताच एक वाईट अनुभव आल्याचं समोर आलं आहे. हा वाईट अनुभव जुहीने तिच्या फेसबुक पेजवर शेअर केला आहे. तिच्यासोबत कोलकाताच्या पेट्रोल पंपावर काही सदस्यांनी तिच्यासोबत वाईट वर्तणूक केली. त्यानंतर तिने थेट पोलीस स्टेशन गाठत तक्रार केली. या प्रकरणी पोलिसांनी एका कर्मचाऱ्याला अटक केली आहे.
बंगाली मालिका भोजो गोविंदोमधून लोकप्रिय झालेली अभिनेत्री जुही सेनगुप्तानं सांगितलं की, ती कारमध्ये पेट्रोल टाकण्यासाठी पेट्रोल पंपावर गेली होती. त्यावेळी तिच्यासोबत पालकही होते. तिने पेट्रोल पंप कर्मचाऱ्याला १५०० रुपयांचं पेट्रोल भरायला सांगितलं आणि त्यांनी ३००० रुपयांचं पेट्रोल भरलं.
याप्रकरणी पोलिसांनी सांगितलं की, आम्ही सीसीटीव्ही फुटेज तपासत आहोत आणि पेट्रोल पंपावरील त्यावेळी उपस्थित कर्मचाऱ्यांकडे चौकशी सुरू आहे. एका व्यक्तीला अटक केली असून पुढील तपासणी सुरू आहे.