गेल्या काही महिन्यांपासून टीव्ही अभिनेत्री संजीदा शेख तिच्या पर्सनल लाईफला घेऊन चर्चेत आहे. संजीदा आणि तिचा पती आमिर अली यांच्यात मतभेद झाल्याच्या चर्चा अनेक दिवसांपासून कानावर येत होत्या. मीडिया रिपोर्टनुसार संजीदा अभिनेता हर्षवर्धन राणेला डेट करते आहे. हर्षवर्धन आणि संजीदा 'तैश' या वेबसिरीजमध्ये एकत्र दिसणार आहेत.
मिळालेल्या माहितीनुसार दोघांमधील जवळीक दिवसांदिवस वाढत चालली आहे. दोघे एका इव्हेंटच्या ठिकाणी एकत्र स्पॉट झाले. एक वेबसाईटशी बोलताना संजीदा म्हणाली की, ती आणि हर्षवर्धन राणे फक्त चांगले मित्र-मैत्रिण आहेत.
संजीदा शेखने 'क्या होगा निम्मो का' या मालिकेद्वारे तिच्या कारकिर्दीला सुरुवात केली. ती आज अनेक वर्षं छोट्या पडद्यावर काम करत आहे. ती गेल्या काही वर्षांत 'जाने पहचाने से अजनबी', 'एक हसिना थी' यांसारख्या अनेक मालिकांमध्ये झळकली आहे. तसेच आमिरने देखील अनेक हिट मालिका दिल्या आहेत.