अभिनेता रणवीर सिंगला नेहमी आनंदी आणि मस्तीच्या मूडमध्ये पाहिलेले आहे. त्याच्यात ऊर्जा ठासून भरलेली आहे आणि त्याचे मन सांगेल ती गोष्ट तो कोणत्याही संकोचाशिवाय करतो. सोनी एण्टरटेन्मेंट टेलिव्हिजनवरील सुपर डान्सरच्या तिसऱ्या सीझनच्या येत्या भागात रणवीर सिंग आणि आलिया भट गली बॉय या आगामी चित्रपटाचे प्रमोशन करण्यासाठी उपस्थित राहिले होते.
रणवीर व आलिया हे दोन्ही कलाकार स्पर्धकांचे परफॉर्मन्सेस पाहून थक्क झाले. परंतु गौरव आणि सुपर गुरु अमरदीप यांनी सादर केलेला एक अॅक्ट पाहून मात्र हा दंगेखोर अभिनेता रणवीर फारच भावूक झाला होता.
रणवीरचा जीवनप्रवास दर्शविणारा एक विशेष अॅक्ट त्या दोघांनी सादर केला होता. रणवीरला आज मिळालेले यश आणि कौतुक यांच्यापर्यंत पोहोचताना रणवीरने केलेल्या कठोर परिश्रमाचे चित्रण या अॅक्टमध्ये होते. ते पाहून रणवीरला आपल्या भावना लपवता आल्या नाहीत आणि तो एखाद्या निरागस बालकाप्रमाणे रडू लागला.