बडे अच्छे लगते है मालिकेतून राम कपूर व साक्षी तन्वर ही जोडी लोकप्रिय ठरली. या जोडीने त्यांच्या केमिस्ट्रीने रसिकांच्या मनावर अधिराज्य गाजविले. या जोडीने छोट्या पडद्यावरचा सगळ्यात बोल्ड सीन दिला होता ज्यामुळे ते खूप चर्चेत आले होते.
बडे अच्छे लगते है ही एकता कपूरची मालिका काही वर्षांपूर्वी चांगलीच गाजली होती. पण त्याचसोबत एका वेगळ्या कारणामुळे ही मालिका चर्चेत आली होती. या मालिकेत राम आणि साक्षीवर काही इंटिमेंट सीन चित्रीत करण्यात आले होते. कोणत्याही मालिकेत इतके बोल्ड सीन दाखवले जाण्याची बहुधा ती पहिलीच वेळ होती. त्यामुळे ही दृश्ये पाहून सगळ्यांना आश्चर्याचा धक्का बसला होता.
मालिका या सगळ्या वयोगटातील लोक घरात एकत्र बसून पाहातात, त्यामुळे अशाप्रकारचे सीन मालिकेत दाखवणे चुकीचे असल्याची अनेकांनी टीका देखील केली होती. या कार्यक्रमाची निर्माती एकता कपूरने या मालिकेच्या काही वर्षांनंतर दिलेल्या एका मुलाखतीत हा सीन दाखवून मी चूक केल्याची कबूलीही दिली होती.