बिग बॉसचे घर असंच काहीसं असतं जिथे कधी प्रेम पहायला मिळतं तर कधी हेवेदावे किंवा भांडणं. मात्र सध्या घरात हेवेदावे विसरून प्रेम बहरताना दिसत आहे. नुकत्याच प्रसारीत झालेल्या भागात एकमेकांशी वैर असणारे सिद्धार्थ शुक्ला व रश्मी देसाई यांची एका टास्क दरम्यान रोमँटिक केमिस्ट्री अनुभवायला मिळाली. त्यानंतर आता आणखीन सदस्यांमध्ये प्रेम बहारताना दिसत आहे.
पंजाबची ऐश्वर्या राय म्हणजेच हिमांशी खुराना सध्या बिग बॉसच्या घरात खूप सक्रीय दिसते आहे आणि ती आसिम रियाजच्या जास्त जवळ आल्याचं पहायला मिळत आहे. आसिमच्या चक्करमध्ये तर हिमांशी तिच्या बॉयफ्रेंडलादेखील विसरत चालली आहे. कदाचित याच कारणामुळे आसिमला स्वतःपासून दूर ठेवणारी हिमांशी स्वतः त्याला किस करताना दिसून आली.