कौन बनेगा करोडपतीच्या अकराव्या सीझनचा दुसरा करोडपती मिळाला आहे. सोनी टीव्हीने त्यांच्या ट्विटरवर विजेत्याचा व्हिडिओ शेअर करत त्यांच्या विजयाचा खुलासा केला आहे. ही विजेती आहे अमरावतीतील बबीता ताडे. बबीता ताडे अंजनगाव सूर्जीच्या शाळेत शालेय पोषण आहाराची खिचडी बनवण्याचं काम करतात.
बबीता ताडे यांनी आपल्या बुद्धीमत्तेच्या जोरावर थेट मुंबई गाठत 'कौन बनेगा करोडपती' या शोमध्ये सहभागी झाल्या. बॉलिवूडचे सुपरस्टार अमिताभ बच्चन यांनी विचारलेल्या प्रश्नांची अचूक उत्तरे देत एक कोटी रुपये जिंकून त्या करोडपती झाल्या आहेत.
बबिता ताडे यांचा हा भाग १८ आणि १९ सप्टेंबरला प्रसारित होणार आहे.