बिग बॉस मराठीच्या घरातील नाती आता सातव्या आठवड्यामध्ये बरीच बदलताना दिसत आहेत. घरातील जी सदस्य एकमेकांच्या पाठीमागे त्यांना नाव ठेवत होती, त्यांच्याबद्दल बरच काही वाईट बोलत होते, ज्यांना घरातून कस बाहेर काढता येईल याबद्दल प्लनिंग करत होते. तेच आता एकमेकांशी बोलताना, मज्जा मस्ती करताना दिसत आहेत. काल बिग बॉस मराठीच्या घरामध्ये सदस्यांना बिग बॉसकडून खूप मोठी शिक्षा मिळाली, ज्यामध्ये सदस्यांना बिग बॉसनी कठोर शब्दांमध्ये खडसावले... कारण इतके दिवस होऊन देखील सदस्य घरातील महत्वाच्या नियमांचे उल्लंघन करताना दिसले आणि रोजच करतात. आता बिग बॉसनी काल जप्त केलेल्या वस्तू सदस्य कसे परत मिळवणार हे लवकरच कळेल.
अतिथी देवो भव: या टास्कमध्ये टीम A आणि टीम B मधील सदस्यांनी उत्तम कामगिरी केली आणि दोन्ही टीममधील एका सदस्याला कॅप्टन होण्याची संधी मिळणार आहे. आणि त्यासाठी कॅप्टनसीची उमेदवारी कुठल्या दोन सदस्यांना द्यावी हे टीमने सर्वानुमते ठरवायचे आहे असे बिग बॉसनी सदस्यांना सांगितले. तर रुपाली आणि अभिजीत केळकर ही दोन नावे पुढे आली आणि यांच्यामध्येच आज कॅप्टनसीचे कार्य रंगणार आहे. या टास्कमध्ये कोण बाजी मारणार आणि घराचा नवा कॅप्टन होण्याचा मान कोण पटकावणार रुपाली कि अभिजीत ?
रुपाली आणि अभिजीतमध्ये कॅप्टनसी टास्क रंगणार आहे... या कार्यामध्ये विरुद्ध टिमच्या उमेदवाराला फोन ठेवण्यास भाग पाडायचे आहे... या टास्कमध्ये वैशालीने रुपालीला विचारले “तुला तरी वाटत का तू कॅप्टन होण्याच्या लायकीची आहे ? तू टास्क जिंकण्यासाठी तुझ्या भावाला वापरलस... रूपालीला हे ऐकून धक्का बसला आणि जमिनींवर कोसळली... नेहा तिच्या मदतीला धावून गेली... आता पुढे काय होईल ? रुपाली आणि अभिजीतला फोन ठेवण्यासाठी भाग पडायला सदस्य काय काय ऐकवतील ? आणि कोणता सदस्य बाजी मारेल ? हे बघणे रंजक असणार आहे...