रूपालीचे दोन दिवस!

नागपूरच्या रंगभूमीवर सक्रिय असलेली रूपाली कोंडेवार-मोरे हिने आता मुंबईत निर्माती म्हणून केवळ पाऊलच टाकले नाही; तर पदार्पणातच तिने थेट मोहन जोशी, अरुण नलावडे व अलका कुबल-आठल्ये अशा ज्येष्ठ कलावंतांना ‘ते दोन दिवस’ या तिच्या चित्रपटात समाविष्ट करून घेतले. या तिघांच्या होकाराने हुरूप वाढला, असे म्हणणारी रूपाली चित्रपट प्रदर्शनापूर्वीचे धाकधुकीचे दिवस सध्या अनुभवत आहे.