प्रार्थना बेहरे सोशल मीडियावर खूप सक्रीय असते. ती सोशल मीडियावर फोटो व व्हिडिओ शेअर करत असते. सोशल मीडियावर तिच्या चाहत्यांना आगामी प्रोजेक्टबद्दल माहिती देत असते. गेल्या काही दिवसांपासून प्रार्थना सतत आपलं फोटोशूट इन्स्टाग्रामवर शेअर करते आहे. काही दिवसांपूर्वी प्रार्थनाने तिचं समुद्र किनाऱ्यावरचे ग्लॅमरस फोटो शेअर केले होते. आता प्रार्थना पुन्हा एकदा ब्लॅक रंगाच्या ड्रेसमधले फोटो सोशल मीडियावर शेअर करत सगळ्यांचं लक्ष वेधलं आहे. नेहमीप्रमाणे फॅन्सनी प्रार्थनाच्या या फोटोशूटला देखील दाद दिली आहे. काही वेळातच हे फोटोशूट सोशल मीडियावर व्हायरल झालंय.
वर्कफ्रंटबाबत बोलायचे झाले तर प्रार्थना लवकरच छूमंतर या मराठी सिनेमात दिसणार आहे.यात तिच्यासोबत रिंकू राजगुरू, सुव्रत जोशी आणि ऋषी सक्सेना मुख्य भूमिकेत दिसणार आहेत. या सिनेमाच्या काही सीन्सचे शूटिंग लंडनमध्ये झाले आहे. त्याचबरोबर ती एका हिंदी बेवसीरिजमध्ये देखील दिसणार आहे. प्रार्थनाने आपल्या करिअरची सुरुवात छोट्या पडद्यावरुन केली.
याआधी तिने 'पवित्र रिश्ता' मालिकेतून छोटा पडदा गाजवला. त्यानंतर 'जय महाराष्ट्र ढाबा भटिंडा' या मराठी सिनेमातून एंट्री मारत रसिकांची मनं जिंकली.कॉफी आणि बरंच काही, मिस्टर एंड मिसेस सदाचारी, मितवा, मस्का अशा विविध मराठी सिनेमात काम केलं आहे.