​ प्रविण तरडे पाहूण्या कलाकाराच्या भूमिकेत

 दिग्दर्शक आणि अभिनेते प्रविण तरडे लवकरच एका चित्रपटामध्ये पाहूण्या कलाकाराची भूमिका साकारताना दिसणार आहेत. प्रविण यांनी अनेक चित्रपटांमध्ये अभिनय केला आहे. आता प्रविण आपल्याला लवकरच लग्न मुबारक या चित्रपटात एका छोट्याशा भूमिकेत दिसणार आहेत. ही भूमिका काय असणार याचा खुलासा अजुन तरी झालेला नाहीये. परंतू या चित्रपटामध्ये आपल्याला सिदधांत मुळे हा नवोदित अभिनेता दिसणार आहे. प्रेमाचा त्रिकोण असलेल्या या चित्रपटामध्ये अभिनेत्री प्रार्थना बेहेरे, संस्कृती बालगुडे दिसणार आहेत. लवकरच या सिनेमाचे शूटिंग सुरु होणार असून काही दिवसात चित्रपट प्रदर्शित होणार असल्याचे समजतेय. तसेच मुळशी डॉट कॉम या चित्रपटातून देखील ते एक वेगळा विषय घेऊन प्रेक्षकांसमोर येणार असल्याचे समजतेय. मुळशी डॉट कॉम या चित्रपटाचे चित्रीकरण देखील लवकरच सुरु होणार आहे. नव्या दमाचा हा चित्रपट असल्याने सर्व तडफदार अभिनेते यामध्ये आपल्याला दिसणार आहेत.