मराठी चित्रपटसृष्टीतील अभिनेता मकरंद अनासपुरे यांनी आपल्या अभिनय कौशल्याने रसिकांच्या मनावर अधिराज्य गाजविले आहे. इतकेच नाही तर त्यांनी हिंदी चित्रपटातही काम केले आहे. वास्तव, वजुद, यशवंत, प्राण जाये पर शान ना जाये, माय फ्रेंड गणेश या चित्रपटात काम केले आहे. ‘डॅम्बीस’ या चित्रपटाचे पटकथालेखन, दिग्दर्शन व निर्मिती देखील मकरंद यांनी केली आहे. फार कमी लोकांना माहित आहे की, मकरंद अनासपुरे यांची पत्नी शिल्पा अनासपुरे देखील अभिनेत्री आहे.
मकरंद अनासपुरे आणि शिल्पा यांचा प्रेमविवाह आहे. शिल्पा मुळच्या मुंबईच्या असून त्यांनी नाटक आणि सिनेमांमधून कामे केली आहेत. २००० साली 'जाऊ बाई जोरात' या नाटकात काम करत असताना पहिल्यांदा शिल्पासोबत मकरंद यांची भेट झाली होती.
याचकाळात मकरंद यांना शिल्पा आवडू लागल्या होत्या. येथेच मकरंद यांनी शिल्पा यांना लग्नाची मागणी घातली. शिल्पा यांनी होकार दिल्यानंतर दोघांनी त्यांच्या घरी याविषयी सांगितले. विशेष म्हणजे दोघांचे हे इंटरकास्ट मॅरेज आहे. पण दोन्ही घरुन काहीच विरोध झाला नाही. ३० नोव्हेंबर २००१ रोजी औरंगाबाद येथे दोघांचे पारंपरिक पद्धतीने विवाह झाला.