मानसी नाईक नुकतीच बॉयफ्रेंड प्रदीप खरेरासोबत लग्नबेडीत अडकली आहे. लग्नानंतर ती प्रदीप खरेराच्या गावी फरीदाबादला गेली होती. ते दोघे मुंबईत परतले आहेत. दरम्यान मानसी आणि प्रदीप एकमेकांचे फोटो सोशल मीडियावर शेअर करत असतात. नुकताच मानसीने एक व्हिडीओ शेअर केला आहे. या व्हिडीओतून तिने त्या दोघांचा म्युझिक अल्बम भेटीला येत असल्याचे सांगितले आहे.
मानसी नाईक हिने सोशल मीडिया इंस्टाग्रामवर टीझर शेअर करत तिचा आणि प्रदीपचा नवीन म्युझिक अल्बम येत असल्याचे चाहत्यांना सांगितले आहे. तिने व्हिडीओ शेअर करत लिहिले की, लग्न होऊनी महिना झाला ऋतू बहरला, वाटेवर मोगरा उमलला अन दरवळला, मनी मानसी डोळ्यांमध्ये भाव उतरले, प्रदीप झाले अवघे जगणे आणि उजळले.
मानसी नाईकच्या या व्हिडीओवर लाइक्स आणि कमेंट्सचा वर्षाव होतो आहे.
मानसी ही उत्तम डान्सर असून ढोलकीच्या तालावर, हॅलो बोल, मराठी तारका यांसारख्या अनेक मराठी रिअ‍ॅलिटी डान्सिंग शोच्या माध्यमातून तिने आपल्या डान्सचे जलवे दाखवले आहेत. याशिवाय रुपेरी पडद्यावरही मानसीने आपल्या अभिनयाद्वारे रसिकांची मनं जिंकली आहेत.