अभिनेत्री नेहा महाजनने 'कॉफी अँड बरेच काही', 'निळकंठ मास्तर' 'वन वे तिकिट' यांसारख्या मराठी चित्रपटात खूप चांगल्या भूमिका साकारल्या आहेत. मराठीसोबतच ती तमीळ आणि इंग्रजी चित्रपटात देखील झळकली होती. मराठी इंडस्ट्रीत नेहा महाजनला सगळ्यात बोल्ड अभिनेत्री समजले जाते. सोशल मीडियावर ती बरीच सक्रिय असून ती याद्वारे तिच्या प्रोजेक्टविषयी माहिती देत असते. तसेच तिचे ग्लॅमरस फोटो सोशल मीडियावर शेअर करत असते. बोल्ड, हॉट आणि सेक्सी असलेली नेहा एकदा एका वेगळ्याच गोष्टीमुळे चर्चेत आली होती.
२०१६ मध्ये नेहाचा एका न्युड एमएमएस व्हायरल झाला होता. याची सोशल मीडियावर चांगलीच चर्चा रंगली होती. एका व्हिडिओत ती बाथरुममध्ये न्यूड होऊन अंग पुसत असल्याचं पाहायला मिळालं होतं तर दुसऱ्या व्हिडिओत नेहाचा न्यूड वॉक पाहायला मिळाला होता. या व्हिडिओला इंग्रजी सबटायटलसुद्धा होती. त्यामुळे हा व्हिडिओ एखाद्या चित्रपटातील अथवा वेबसिरिजमधील असावा असा अंदाज लोकांकडून लावण्यात येत होता. तिने 'द पेंटेड हाऊस' या एका मल्याळम चित्रपटासाठी न्यूड सीन्स दिले होते आणि या चित्रपटाच्या कथेची ती गरज होती असे तिने स्पष्टीकरणही दिले होते. एवढेच नव्हे तर या चित्रपटासाठी न्यूड सीन देण्याआधी तिने तिच्या आई वडिलांसोबत चर्चा केली होती असे देखील तिने मीडियाशी बोलताना सांगितले होते. पण हा चित्रपट प्रदर्शित व्हायच्याआधीच या चित्रपटातील काही दृश्यं सोशल मीडियावर व्हायरल झाली होती आणि याचा नेहाला चांगलाच त्रास सहन करावा लागला होता.
नेहाच्या या एमएमएसमुळे केवळ मराठी चित्रपटसृष्टीत नव्हे तर बॉलिवूडमध्ये देखील नेहाच्या नावाची चांगलीच चर्चा रंगली होती. नेहाचा जन्म हा भारतातील असला तरी नेहाने युएसएमधील टेक्सास येथील ट्रिंबल टेक हायस्कूलमध्ये अभिनयाचे धडे गिरवले आहेत. प्रसिद्ध सतारवादक पंडित विदुर महाजन तिचे वडील असून तिने वडिलांकडून सतारचे धडे देखील गिरवले आहे.