गश्मिरचे सनी लिओनीसोबत आयटम साँग!

‘कान्हा, वन वे तिकीट, देऊळबंद’ असे एकाहून एक सरस मराठी चित्रपट देणारा अभिनेता गश्मिर महाजनी हा लवकरच बॉलिवूडमध्ये पदापर्ण करत आहे.

मुंबई- ‘कान्हा, वन वे तिकीट, देऊळबंद’ असे एकाहून एक सरस मराठी चित्रपट देणारा अभिनेता गश्मिर महाजनी हा लवकरच बॉलिवूडमध्ये पदापर्ण करत आहे. ‘डोंगरी का राजा’ असे त्याच्या आगामी हिंदी सिनेमाचे नाव आहे. आपल्या पहिल्याच हिंदी चित्रपटात तो सनी लिओनीसोबत आयटम साँग करताना दिसेल. या चित्रपटाविषयी सीएनएक्सला गश्मिर सांगतो, हिंदी सिनेमाचा प्रेक्षकवर्ग खूप मोठा आहे. त्यामुळे या सिनेमाच्या माध्यमातून मला जास्तीत जास्त प्रेक्षकांपर्यत पोहण्याची संधी मिळणार आहे. हिंदी किंवा मराठी सिनेमा असा फरक मी कधीही करत नाही. आपण उगाच त्यात मराठी -हिंदी असा फरक करत असतो. सिनेमाची बदललेली भाषा हा त्यातील मुख्य फरक असतो. आजचा मराठी सिनेमा सर्वच बाबतीत हिंदी चित्रपटांना टक्कर देत आहे. मात्र हिंदी चित्रपटात काम करण्याचा चांगला अनुभव मला मिळाला. या सिनेमात माझ्यासोबत रोनित रॉयची महत्त्वाची भूमिका आहे. विशेष म्हणजे सनी लिओनी सोनत मी यात आयटम साँग करणर आहे. सनी खरोखरच छान अभिनेत्री असून ती तिच्या कामाच्या बाबत खूप प्रोफेशनल आहे. सनीने तिच्या मेहनतीने इंडस्ट्रीमध्ये आपला वेगळा ठसा उमटवालाय.