हॉलिवूडचा सर्वाधिक लोकप्रिय टीव्ही शो ‘गेम ऑफ थ्रोन्स’च्या आठच्या सीझनची घोषणा झाली आणि प्रेक्षकांची उत्कंठा शिगेला पोहोचली. आता या शोचा टीजर रिलीज करण्यात आलाय. शिवाय शोची रिलीज डेटही जाहिर करण्यात आलीय. त्यानुसार, येत्या 14 एप्रिलला शो रिलीज होतोय.जगभरात सर्वाधिक पाहिला जाणारा टीव्ही शो ‘गेम ऑफ थ्रोन्स 8’चा टीजर येताच चाहते क्रेजी झालेले दिसताहेय. काही तासांत लाखो लोकांनी हा टीजर पाहिलाय. 90 सेकंदाच्या या टीजरमध्ये तीन महत्त्वपूर्ण पात्रांना दाखवण्यात आले आहे. जे आपल्या पुर्वजांच्या घरात हातात तलवार घेऊन फिरत आहेत. ‘गेम ऑफ थ्रोन्स’चे फायनल सीझनचा शेवट कसा असेल, याचा अंदाज या टीजरवरून येतोय.
2017 मध्ये ‘गेम ऑफ थ्रोन्स’चे 7 वे सीझन रिलीज झाले होते. मात्र 2018 मध्ये याचे नवे सीझन रिलीज केले गेले नाही. त्यासाठी चाहत्यांना 2019ची प्रतीक्षा करावी लागली.