करीना कपूर आई बनणार आहे. निश्चितपणे करीनाच नाही तर तिचे कुटुंबीय व तिच्या चाहत्यांसाठी ही गोड बातमी आहे. आतापर्यंत करीना प्रेग्नंट असल्याची चर्चा होती. करीनाने याबद्दल सावध मौन बाळगले होते. पण आज सकाळी करीनाचा हबी अर्थात सैफ अली खान याने ही गोड बातमी सर्व चाहत्यांशी शेअर केली. येत्या डिसेंबरमध्ये आमच्या घरी पाळणा हलणार असल्याचे त्याने सांगितले. आता करीनाच्या प्रेग्नसीची बातमी येताच, तिच्या हातात असलेले चित्रपट आणि तिचे करिअर यावर चर्चा सुरू झाली आहे. प्रेग्नसीमुळे करीनाच्या हाती असलेल्या चित्रपटांचे काय होणार? आई बनल्यानंतर करीनाच्या करिअरवर किती परिणाम होणार? असे प्रश्न उपस्थित केले जाऊ लागले आहेत. करीनाच्या पे्रग्नंसीमुळे ‘गोलमाल4’ हा चित्रपट प्रभावित होण्याची शक्यता आहे. अर्थात या चित्रपटाची अधिकृत घोषणा झालेली नाही. पण गोलमालच्या तिन्ही सीक्वेलमध्ये करीना होती. रोहित शेट्टीच्या गोलमालच्या चौथ्या सीक्वेलमध्येही करीना असणार हे अटळ आहे. ‘गोलमाल4’ करीनाने साइन केल्याची चर्चा आहे. या चित्रपटाची शूटिंग लवकरच सुरू होणार अशीही खबर आहे. पण आता करीना गर्भवती आहे, ही बातमी ब्रेक झाल्यानंतर ‘गोलमाल4’ चे शूटिंग सुरू होते वा नाही, हे पाहणे इंटरेस्टिंग ठरणार आहे. बेगमच्या या चित्रपटाचे शूटिंग सुरू होते वा ती हा चित्रपटच सोडते, नेमके काय होते, हे पाहायचे आहे...‘वीरा दी वेडिंग’ या चित्रपट करीनाच्या प्रेग्नसीमुळे सर्वाधिक प्रभावित होण्याची शक्यता आहे. कारण, करीनाने आई बनण्याची चाहूल लागताच नवे चित्रपट साइन करणे टाळले, अशी बातमी होती. मात्र या बातमीची चर्चा सुरू असतानाच सोनम कपूर हिने करीना ही ‘वीरा दी वेडिंग’मध्ये दिसणार असल्याचे जाहीर केले. सोनम कपूरची बहीण रिया कपूर ही या चित्रपटाची निर्माती आहे. या चित्रपटाची शूटिंग लवकरच सुरू होत आहे. करीनाच्या प्रेग्नंसीमुळे सध्या हा चित्रपट प्रभावित होण्याची शक्यता आहे. जाणकारांच्या मते, चित्रपट प्रभावित होऊ न देण्यासाठी करीना व मेकर्स दोघांनाही शूटिंगच्या डेट्समध्ये बदल करावे लागतील. असे झाले तर कदाचित चित्रपट प्रभावित होणार नाही.अनेक जाणकारांच्या मते, प्रेग्नंसीमुळे करीनाच्या फिल्मी करिअरवर फारसा प्रभाव पडण्याची शक्यता नाही. करीना ही ए-वन अभिनेत्री आहे. अनेक अभिनेत्री लग्नानंतर वा आई बनल्यानंतरही यशस्वी करिअर करीत आहेत. काजोल, ऐश्वर्या हे त्याचे ताजे उदाहरण! त्यामुळेच आई बनल्यानंतर करीनाचे फिल्मी करिअर अगदीच संपुष्टात येईल, असे होणार नाही.प्रेग्नंट असताना करीनाला हातात असलेले चित्रपट पूर्ण करावे लागणार आहेत. पण असे करणारी करीना एकटी नाही तर यापूर्वीही अनेक अभिनेत्रींनी प्रेग्नंट असताना हाती असलेले चित्रपट पूर्ण केले आहेत.श्रीदेवी : १९९४ मध्ये रीलीज झालेल्या ‘जुदाई’ चित्रपटाच्या शूटिंगदरम्यान श्रीदेवी गर्भवती होती. या चित्रपटानंतर श्रीदेवीने चित्रपट स्वीकारणे थांबवले. ‘हमारा दिल आपके पास है’ या चित्रपटासाठी आधी श्रीदेवीचे नाव जाहीर झाले होते. पण गर्भवती असल्याचे कळल्यानंतर या चित्रपटाला श्रीदेवीने स्वत:हून नकार दिला.जुही चावला : ‘एक रिश्ता’ आणि ‘आमदनी अठन्नी खर्चा रुपय्या’ या चित्रपटाच्या शूटिंग दरम्यान जुही चावला प्रेग्नंट होती. दुसऱ्या प्रेग्नंसीदरम्यानही तिने ‘झंकार बीट्स’ या चित्रपटाचे शूटिंग पूर्ण केले.काजोल : काजोलला दुसऱ्यांदा आई बनण्याची चाहूल लागली तेव्हा ती करण जोहरच्या ‘वी आर फॅमिली’चे शूटिंग करीत होती. शिवाय अजय देवगणसोबत ‘टुनपूर का हीरो’ हा चित्रपटही तिच्या हाती होता. हे दोन्ही चित्रपट काजोलने पूर्ण केले.कोंकणा सेन : कोंकणा सेन ‘मिर्च’ तसेच ‘राइट या राँग’ या दोन चित्रपटाच्या शूटिंगदरम्यान प्रेग्नंट होती. मात्र तिने दोन्हींचे शूटिंग पूर्ण केले.ऐश्वर्या रॉय : ऐश्वर्या रॉय बच्चन मधुर भांडारकरच्या ‘हीरोईन’मध्ये दिसणार होती. मात्र पे्रग्नंसीमुळे ऐश्वर्याला हा चित्रपट नाकारावा लागला. नंतर यात करीना कपूर दिसली.
- rupali.mudholkar@lokmat.com