दाक्षिणात्य सिनेइंडस्ट्रीतील लोकप्रिय जोडी सामंथा अक्किनेनी आणि नागा चैतन्य गेल्या काही आठवड्यांपासून चर्चेत आले आहेत. गेल्या काही आठवड्यांपासून त्यांच्या घटस्फोटांच्या चर्चा ऐकायला मिळत आहे. पण, आजपर्यंत नागा आणि सामंथा यांनी याबद्दल कोणतीही प्रतिक्रिया दिलेली नाही. भलेही सामंथा त्यांच्या नात्यात आलेल्या दुराव्याबद्दल काही प्रकारचे ट्वीट करत असली तरी पण नागा चैतन्यच्या बाजूने कोणतेही संकेत नाहीत.
सामंथा अक्किनेनी तिच्या इंस्टाग्राम आणि ट्विटरवर तिचे नाव बदलून एस असे ठेवले आहे, त्यानंतर त्यांचा घटस्फोट होत असल्याच्या चर्चांना उधाण आले. सध्या अक्किनेनी कुटुंबात काय चालले आहे हे कोणालाही माहित नाही. चेन्नईच्या एका साध्या कुटुंबात जन्मलेल्या सामंथाला चित्रपटांतून बरीच ओळख मिळाली आहे.
एका वेबसाइटच्या रिपोर्टमध्ये असा दावा करण्यात आला आहे की, लग्नानंतरही तिला ग्लॅमरस जग सोडायचे नव्हते. फोटोशूट आणि तिच्या ग्लॅमरस भूमिकांमधून ती अगदी हटके कामगिरी करत आहे. मात्र, तिचा पती चैतन्य आणि सासरे नागार्जुन यांना सामंथाचे चित्रपटात काम करत असल्याचे आवडत नाही असे सांगितले जात आहे.