सनी लिओनी तिचे बायोपिक ‘करणजीत- द अनटोल्ड स्टोरी आॅफ सनी लिओनी’मुळे सध्या चर्चेत आहे. या बायोपिकचे सनीने सध्या जोरदार प्रमोशन चालवले आहे. हे बायोपिक मुळात एक वेबसीरिज आहे आणि सनी लिओनीने स्वत: त्यात स्वत:ची भूमिका साकारली आहे.
सनी रिऑलिटी शो 'बिग बॉस 5'मध्ये सहभागी झाली होती. याशोनंतर तिच्या बॉलिवूड प्रवासाची दारं उघडी झाली. याच घरात महेश भट्ट यांनी सनीला ‘जिस्म2’ची आॅफर दिली होती. पुढे तिला एकता कपूरचा ‘रागिनी एमएमएस2’ही मिळाला. यानंतर शाहरूख खानसोबत स्क्रिन शेअर करण्यापासून अनेक बिग बॅनरच्या चित्रपटात आयटम साँग करताना ती दिसली. सनी लिओनी भारतात सर्वाधिक सर्च केल्या जाणाऱ्या सेलिब्रेटींपैकी एक आहे. सनी वीरमादेवी या सिनेमातून साऊथमध्ये पदार्पण करते आहे. या सिनेमात ती वीरमादेवीची मुख्य भूमिका साकारताना बघावयास मिळणार आहे. वीरमादेवी एक यौद्धा राजकुमारी असणार आहे.