टायगर श्रॉफने आपल्या डान्स आणि अ‍ॅक्शनच्या जोरावर बॉलिवूडमध्ये आपले स्थान निर्माण केले आहे. शेवटचा टायगर श्रॉफ बागी ३मध्ये झळकला होता. आता तो आगामी चित्रपट गणपतमुळे चर्चेत आला आहे. त्याचा या चित्रपटातील पहिला लूक रिलीज करण्यात आला आहे. त्याचे मोशन पोस्टर नोव्हेंबरमध्ये समोर आले होते. यात टाइगर दबंग अंदाजात दिसतो आहे.
असे वृत्त समोर येते आहे की, जी गणपत चित्रपटाशी निगडीत आहे. मीडिया रिपोर्ट्सनुसार, निर्माते जॅकी भगनानी गणपत चित्रपटासाठी टायगर श्रॉफला ५० कोटी रुपये मानधन दिले जात आहे.
विशेष बाब म्हणजे टायगरने दोन चित्रपट साइन केले आहेत. तो गणपतमध्ये दिसणार आहे. याशिवाय या चित्रपटाच्या दुसऱ्या भागासाठी टायगरला साइन करण्यात आले आहे. या दोन्ही चित्रपटासाठी ५० कोटी मानधन मिळणार आहे. मात्र अद्याप याबाबत अधिकृत माहिती मिळाली नाही.