​ ‘फोमच्या गादी’मुळे त्रासली सोनम कपूर! रागात केले असे ट्विट!!

बॉलिवूडची फॅशनिस्टा सोनम कपूरने अलीकडे आपला एक खासगी अनुभव ट्विट केला आणि विशेष म्हणजे, या टिष्ट्वटमध्ये सोनमने उत्पादनांच्या मोहक जाहिरातींना न भुलण्याचा सल्लाही लोकांना दिला. खरे तर सोनम कपूरचे हे ट्विट पाहून लोक हैरान झालेत. कारण तिचे हे ट्विट तिच्या कुठल्या चित्रपटाबद्दल, ड्रेसबद्दल वा ब्युटी प्रॉडक्टबद्दल नव्हते तर ते होते फोमच्या गादीबद्दल. होय, फोमच्या मॅट्रेसबद्दल. या फोमच्या गादीशी सोनमच्या काही वाईट आठवणी जुळलेल्या आहेत. सोनमने याचबद्दल ट्विट केले. ‘फोमच्या गादीच्या आठवणी त्रासदायक आहेत. त्याचा वापर केल्यानंतर संपूर्ण शरीर आणि मान अकडून गेली होती. कृपया जाहिरातींच्या जाळ्यात अडकू नका,’ असे ट्विट सोनमने केले. एकंदर काय तर सोनमने लोकांना इशा-या इशा-यात एक चांगला ‘कानमंत्र’चं दिला. हा ‘कानमंत्र’ कुठला तर जाहिरातींना न भुलण्याचा.गेल्या काही दिवसांपासून सोनम कपूर लग्न करणार अशी चर्चा आहे. होय,  बॉयफ्रेन्ड आनंद अहुजासोबत सोनम लग्नगाठ बांधणार, असे कळतेय. या लग्नाची तयारीही सुरू झाल्याचे ऐकवात आहे. अलीकडे सोनम कोलकात्यात आनंदच्या आईसोबत दागिणे खरेदी करताना दिसली होती. यावरून सोनम व आनंदच्या लग्नाच्या बातम्यांना जोर चढला आहे. जयपूरमध्ये या लग्नाचा व्हेन्यू बुक झालायं, इथपर्यंतही चर्चा आहे.तूर्तास सोनम कपूर ‘पॅडमॅन’ या चित्रपटाच्या प्रमोशनमध्ये बिझी आहे. या चित्रपटात ती अक्षय कुमारसोबत स्क्रिन शेअर करणार आहे. आर. बल्की दिग्दर्शित हा चित्रपट अरूणाचलम मुरूगनाथनमचच्या आयुष्यावर बेतलेली कथा आहे. या चित्रपटात सोनम कपूरसोबत राधिका आपटे ही सुद्धा एका महत्त्वपूर्ण भूमिकेत आहे.ALSO READ : नेपोटिजमचा अर्थ माहित नाही? मग सोनम कपूर सांगतेयं, ते वाचा! लवकरच सोनम विधू विनोद चोप्राच्या चित्रपटाचे शूटिंग   सुरु करणार आहे. 2016 मध्ये आलेल्या ‘नीरजा’ या चित्रपटातील अभिनयासाठी राष्ट्रीय पुरस्कार जिंकल्यानंतर सोनम इंडस्ट्रीतून जणू गायब झाली होती. मात्र 2018मध्ये सोनमचे जवळपास तीन चित्रपट रिलीज होणार असल्याचे कळतेय.